Бидний анхаарлын төлөв нь сэтгэхүйгээ дагаад, сэтгэхүй нь сэтгэлээ дагаад мөнхөд хөдөлгөөнт төлөвт буюу хувьсагч төлөвт байдаг байна. Анхаарлыг удаан нэг дор нь тогтвортой барих нь сэтгэлийг барихтай шууд хамаарна. Сэтгэл тогтсон төлөв нь анхаарал тогтсон бие хүний төлөвийг илэрхийлнэ. Нэг үгээр хэлбэл, жишээ нь: харилцагч харилцаа хийх явцад гадны төлөв байдал өөр зүйл рүү алсарсан, зорьсон хэв шинжийг илрүүлэн, харилцаж байгаа хүнийхээ харилцааны утга санааг ойлгохгүй болох ба тэр үед харилцагчийн чинь сэтгэл нь алсарсан байна гэсэн шинж тэмдгийг илрүүлж байна гэсэн үг. Түүнээс харилцагчаа тоохгүй байна гэсэн үг биш. Энэ тохиолдолд харилцагчийн сэтгэлийг тогтоох харилцаа л хамгийн чухал. Хүн сэтгэлийн амьтан хэмээх үг дээр очъё. Анхаарал төвлөрөлтийнх нь шинж чанараас нь энэ үгийг утгалбал биед сэтгэл оршино, сэтгэл биеэс алсарна, сэтгэлээс сэтгэхүй алсарна, алсарсан сэтгэлийг утгаар барина, барих утга нь энэрэнгүй, нигүүлсэнгүй, хүнлэг байх ёстой.

Ингэхээр бид хүнтэй харилцдаг гэхээсээ илүүтэй сэтгэлтэй харилцдаг байгаа юм. Сэтгэл чамаас утга шаардана. Хүний дүрст мөн чанараас нь хайх анхаарал төвлөрөл нь бие организмын тогтворгүй байдлыг тодорхойлсон тодорхойлолт байдаг бөгөөд сэтгэлээс бие рүү нөлөөлсөн нөлөөлөл нь биеийг эцээх, ядраах, эцсийн төлөвтөө элэгдүүлдэг байна. Хүний бие организм нь амьдрах хугацаандаа сэтгэлээсээ эрчим, энергиэ аван, цаг хугацааг туулдаг байна.

Хүний сэтгэл гээч нь чухам юу юм бэ? гэдгийг тайлбарлая. Хүн эхийн хэвлийд үүсэн бүрэлдэх анхны шалтгаан нь намш буюу сүнс, сүнс буюу түүний ухамсрын орон зайд байрлах эрдэм мэдлэг, мэдээ мэдээллийн энергийн сан нь сүнсэнд оршин, хүний биед анх ирснээр эцгийн цагаан дусал, эхийн улаан дусал нэгдэн нийлж, эхийн хэвлийд хүн үүсэн бойжиж, бие хүнийхээ төрхийг олж авдаг байна. Энэхүү хүн үүсэн бүрэлдэж байгаа шалтгааныг намш буюу сүнс, сүнс түүний ухамсар нь хүнийг бий болгож буй тухайн мэдээлэл энергиэр орших ба хүний сэтгэл нь эерэг, сөрөг энергийн нэгдсэн хийн төлөвт орон зай байдаг байна.

Хүний сэтгэлийн ухамсрын гадна төлөвийг нь бид зургаа дахь мэдрэхүй хэмээн нэрлэдэг. Хамгийн сайн хөгжүүлж ирсэн зургаа дахь мэдрэхүй нь өөрийн мэдээллийн сандаа өнгөрсөн хугацааныхаа утгат мэдээллийн 80 хувийг тээж ирдэг. Гэвч төрмөл ухамсрын мэдээ мэдээллээ баяжуулсан нь харилцан адилгүй байдаг байна.Тэгвэл хүний сүнс нь амьдралын процессдоо үлдсэн 20 хувиа баяжуулах сэдэлтэйгээр ухамсар буюу сэтгэл, сэтгэл буюу хүний сүнс нь энэ биед ирэх ба тодорхой өгөгдөлт цаг хугацаагаа туулахад дараагийн бие рүү явдаг. Тэгэхээр хүн ухамсраа сэрээх, баяжуулан хөгжүүлэх үүрэгтэйгээр амьдрах буюу амьсгалах тоогоо илээдэг байна.

Сэтгэл, сэтгэл түүний ухамсрын угийн мөн чанар нь ариун тунгалаг байдаг боловч сүнс төрлөөс төрөлд шилжих амьдралын үйлээс үүссэн мунхаг, мунхаг түүний нисванисын үүдэл нь муу утгад барьсан муу энергийг давамгайлснаар ирсэн нь өнөөдрийн амьдралдаа муу үр дагаврыг үүсгэх үйлийг хийдэг байна. Сөрөг энерги болон эерэг энергийг ухамсар өөртөө агуулдаг. Тэрхүү ухамсрын энергиэр бие, хэл, сэтгэлийн үйлийг хийж амьдардаг байна. Тэгэхээр сэтгэл нь үгийн утгын долгионоос үүдсэн энерги юм.

Тиймээс ч

“Биеийн өвчнийг сэтгэлээр эмчилнэ.
Сэтгэлийн өвчнийг үгээр эмчилнэ.
Сэтгэл уйлдаг юм.” гэжээ.

"УЧИР ШАЛТГААНЫГ ШИНЖИХ ШИНЖЛЭХ УХААНЫ ХҮРЭЭЛЭН"-ийн
Бодлого, стратеги төлөвлөлтийн газрын дарга С.НАМЧИНСҮРЭН

Билгийн тооллын Өвлийн тэргүүн улаагчин гахай сар
Хоёр хар мэнгэтэй улаагчин гахай өдөр

Аргын тооллын
XXI зуун, 2020 оны 12дугаар сарын 10-ны өдөр

Сэтгэл нь үгийн утгын долгионоос үүдсэн эерэг, сөрөг энергийн нэгдсэн хийн төлөвт орон зай юм

Сэтгэгдэл (0)