Ажлын байрны бэлгийн дарамт насанд хүрсэн, ажил хөдөлмөрийн талбарт хөл тавьсан хүн бүрийн анхаарах ёстой сэдэв бөгөөд Синдикат ярилцлага 55 дахь дугаараар энэ сэдвийг онцолж байна. Ажил хийж байгаа нэрийн дор хэн нэгэн эмэгтэй ганцаараа дарамтанд орж, айдсаа илэрхийлж, доромжлолыг сөрж, эрхээ хамгаалж чадахгүй шаналах ёсгүй. Эрүүл соёл, ёс зүйтэй орчныг бүрдүүлэхийн тулд төр, хувийн хэвшил бүгд үлгэрлэх ёстой. Тэр дундаа төрийн албаны манлайлал бэлгийн дарамтгүй ажлын байрыг бий болгоход маш чухал. Нэвтрүүлгийн зочдоор Хүний эрхийн үндэсний комиссын гишүүн, доктор Д.Сүнжид, нийтлэлч Д.Түмэн-Өлзий, УИХ-ын гишүүн Б.Энхбаяр, Хөдөлмөр, нийгмийн хамгааллын сайд А.Ариунзаяа нар уригдлаа. Манай ярилцлагыг та бүхэн видео болон текст хувилбараар хүлээн авна уу.

Синдикат ярилцлагын тав дахь тусгай дугаар энэ удаа Япон Улсын нийслэл Токио хотоос та бүхэнд хүрч байна. Зочин маань Монгол Улсын хөдөлмөрийн баатар, Сүмо бөхийн 69 дэх их аварга Хакухо М.Даваажаргал байлаа. Ажил, амьдрал дээрээ тултал хийж чаддаг зүйлтэй, түүгээрээ бусдаас ялгарч чаддаг "дархан мэх"-тэй болох ёстойг дөнгөж 22 настайдаа Сүмогийн их аварга болсон тэрбээр хэлж байв.

2019 оны Монголын эдийн засгийн форумын үеэр “Залуу Монгол” нэгдсэн хэлэлцүүлэг болов. Энэ хэлэлцүүлэгт 70, 80, 90, 2000 төлөөлөл болсон шижигнэсэн 5 залуу оролцож сонирхолтой яриа өрнүүлсэн. “IRIM” судалгааны хүрээлэнгийн гүйцэтгэх захирал Ц.Батсугар, ”Оюу Толгой” компанийн нөөц болон системийн менежер А.Одончимэг, “Лантуун дохио” ТББ-ыг үүсгэн байгуулагч Ч.Ганжавхлан, “Бодлогод залуусын хяналт” ТББ-ын удирдах зөвлөлийн гишүүн Т.Амарзаяа, МУИС-ийн гуравдугаар дамжааны оюутан, “Investrade academy”-ийг үүсгэн байгуулагч Ү.Батмагнай нар Монголыг залуусын орон гэж дүгнэв үү? ​

Цар тахлын хүнд байдлыг улсын эдийн засаг болон бизнесийн салбар хэрхэн даван туулах вэ, төрөөс авч буй бодлогын хүрээнд зах зээл руу оруулж, иргэдэд өгч буй олон зуун тэрбум төгрөгийг хэрхэн үр ашигтай зарцуулах ёстой юм, хуримтлал үүсгэж, хувьцааны ногдол ашгаа өв хөрөнгө болгож чадах уу зэрэг сэдвийг хөндсөн Синдикат ярилцлагын 49 дэх дугаар танд хүрч байна. Нэвтрүүлгийн зочдоор Монголбанкны Ерөнхийлөгч Б.Лхагвасүрэн, БиДиСЕК үнэт цаасны компанийн гүйцэтгэх захирал Д.Даянбилгүүн, Бодь Даатгал компанийн гүйцэтгэх захирал Б.Золбаяр, Монголын бизнесийн зөвлөлийн тэргүүн Б.Бямбасайхан нар оролцлоо. Манай нэвтрүүлгийг видео болон текст хувилбараар хүлээн авна уу.

CU конвиниенс дэлгүүр буюу Солонгосын франчайз системийн номер нэг тоглогч BGF компанийн худалдаа, олон улсын бизнес эрхэлсэн захирал ​Жанг Ёонг Чол Монгол дахь СU дэлгүүрийнхээ 300 дахь салбарыг нээхээр хүрэлцэн ирэх үед нь уулзан ярилцах завшаан тохиов.

Монгол кино 46 жилийн дараа дэлхийн А зэрэглэлийн кино наадмаас шагнал хүртэв. ТРИО кино 38 дахь удаагийн Варшавын олон улсын кино наадмаас “Үзэгчдийн нэрэмжит шилдэг кино”-ны шагналыг хүртсэн юм. Энэ шагналыг авахын тулд дэлхийн 100 гаруй улсын 5000 кинотой өрсөлдөж, хоёрдугаар шатанд 57 улсын 156 шилдэг уран бүтээлтэй тунаж үлдэн, сүүлчийн мөчид энэ хүндтэй шагналыг авсан юм. Энэхүү наадмын тухай Варшавын кино наадмын захирал ноён Stefan Laudyn-тай хийсэн ярилцлагыг наадмын багийн бэлдэж өгсөн видео бичлэгүүдтэй цуг та бүхэнд хүргэж байна.