Тамхины эдийн засаг, зах зээлийн хэмжээ, тамхины нийтийн эрүүл мэнд, нийгэм, эдийн засагт үзүүлдэг нөлөө, одоогийн нөхцөл байдал болон "Тамхины хяналтын тухай хуулийн хэрэгжилт", электрон тамхи болон түүнтэй холбоотой асуудлаар холбогдох хуульд нэмэлт өөрчлөлт оруулах ажлын хэсгийн ажлын явц, гүйцэтгэл, хүлээгдэж буй үр дүнгийн талаар ярилцлаа. Зочдоор УИХ-ын гишүүн, Өргөдлийн байнгын хорооны дарга О.Номинчимэг, “Премиум Нексус” компанийн дэд захирал Г.Чинзориг, АШУҮИС-ийн судлаач, Нийгмийн эрүүл мэндийн ухааны доктор Т.Ариунтуяа, “Зуршлаа өөрчилье” ТББ-ын тэргүүн, “Coalition of Asia Pacific Tobacco Harm Reduction Advocates”-ийн Монгол дахь зохицуулагч Б.Цогт-Очир нар уригдлаа.

Нийслэлийн иргэд алхах жам ёсны эрхээ эдэлж байна уу, зүгээр байгаа явган зам болон замын хашлагийг яагаад солиод байдаг, олон жил ургуулж тордсон мод, бут сүйтгээд буй шалтгаан, скүүтер, цахилгаан дугуйн зохицуулалт, иргэдийн аюулгүй байдал зэрэг сэдвийг 81 дэх дугаараар хөндлөө. Зочдоор Нийслэлийн Засаг даргын эдийн засгийн хөгжил, дэд бүтцийн асуудал хариуцсан нэгдүгээр орлогч Т.Даваадалай, ТАСО ХХК, ТАСО Стөүнз ХХК үүсгэн байгуулагч Т.Отгонбаяр, нийгмийн сэтгэл зүйч Г.Уянгаа, хөгжлийн эдийн засагч
Ц.Лут-Очир оролцлоо. 


Хайнан арал руу шууд нислэгтэй болсноос хойш нийт 1200 гаруй монголчуудад үйлчлээд буй “Нью Жуулчин Турс” компанийн Хайнан арал дээрх хөтөч Боржигон овогтой Бадамлянхуатай ярилцлаа.

Ирэх өвөл хот хөлдөх өндөр эрсдэлтэй боллоо, цахилгааны хязгаарлалтанд ороод удлаа, дулаан болон эрчим хүчний нэмэлт эх үүсвэрүүд дутагдахаас гадна энэ салбарт сүүлийн 5 жилд 10 хүн ажлын байран дээрээ амь насаа алдлаа. Бид хэзээ эрчим хүчний эрх чөлөөнд хүрэх юм бол гэдэг сэдвийг шинэ дугаараар хөндлөө. Зочдоор “Эрчим хүчний зохицуулах хороо”-ны зохицуулагч П.Товуудорж, “Монголын эрчим хүчний засаглал” хөтөлбөрийн хяналт шинжилгээ, үнэлгээ, сайжруулалт хариуцсан захирал Б.Мэндбаяр, “Эрчим Сүлжээ” компанийн гүйцэтгэх захирал Н.Нямдаваа, Эрчим хүчний инженерүүдийн холбооны гишүүн Ө.Болорцом нар уригдлаа.

Манай нэвтрүүлгийн тусгай дугаар Гандангаас та бүхэнд хүрч байна. Нэвтрүүлгийн зочноор МБШТөв-Гандантэгчэнлин хийдийн ХМОНХ тэргүүлэгч, Лэгмон сангийн тэргүүн, гэвш А.Батцэнгэлийг урьлаа.

2025 оны Давосын чуулганд дэлхийн 130 орны улстөрч, шийдвэр гаргагчид, бодлого боловсруулагчид, хувийн хэвшил, иргэний нийгэм, эрдэмтэн судлаач, хэвлэл мэдээлэл, урлаг, соёл, спортын манлайлагчид болох 3000 гаруй лидерүүд тусгай мандаттай уригдав.