Нүглийн нүдийг гурилаар

“Литр тутамд 300 төгрөг” гэсэн мэдээ цуу үг мэт салхиар хийсэн тархаж байх яг тэр үед ЭБЭХ-ний дэд сайд Б.Ариунсан руу утас цохилоо. Энэ бол 6-ны баасан гаригийн 19.20 цагийн орчимд болсон явдал. “Ажлын хэсгийн хурал эхлээгүй л байна. Компаниудтайгаа уулзахаас халшраад сууж байна. Долларын ханш бараг 50 төгрөгөөр нэмэгдчихээд байна шүү дээ...” гэсэн учирлал хэлээд тэр утсаа салгав. Дэд сайд ч бидэнд баттай мэдээлэл хэлж өгөөгүй болохоор яг тэр орой хэвлэлд шилжсэн дугаартаа бид энэ талаар ганц ч үг тавилгүй явуулсан юм.

Яг өмнөх өдөр нь буюу энэ сарын 5-ны пүрэв гаригт Монголбанк валютын дуудлага худалдаа явуулж, арилжааны банкуудад 66.35 сая ам.доллар зарсан юм. Хаалтын ханш нь 1414 төгрөг болсон энэ худалдаа банкнуудын тухайн үеийн эрэлтийн 78.7 хувийг хангасан гэсэн албан мэдээ тарсан. Төв банкны өөрийнх нь ханшийн мэдээгээр энэ өдөр нэгж ам.доллар 1412.25 төгрөгтэй тэнцэж байж. Тэгэхээр энэ интервенц долларыг чангаруулсан интервенц болоо юу гэж харагдахаар байна. Ийм хэмжээний валют гүйлгээнд орохоор уг нь ханш буурах учиртай байсан. Гэтэл тэгээгүй төдийгүй маргааш нь 1416.82 төгрөг болж, улмаар тасралтгүй өссөөр 10-ны мягмар гариг гэхэд 1433.53 төгрөгт хүрсэн юм.


Үндэстний ТОЙМ сэтгүүлийн 2012.01.16-ны №03 (102)-т гарсан энэ нийтлэлийг эндээс бүрэн эхээр нь уншина уу.