7 ишигтэй өрх толгойлсон ямаа гарна. Сайхан ааштай ямаа ен гэсээн. Тэгээ л тийм олон ишиг гаргасын байгааз. Эх ямаа өдөр бүр хоол "түүнэ" гээд гараад явна. 7 ишиг ямар ч даатгалгүй гэртээ үлдэнэ. Үлдээхдээ захьдийн. "За хүүхдүүд минь, нэг хогийн чоно эргэлдээд байдаг шүү болгоомжлоорой, зүсээ сайн хувиргадым шиг байгаан. Дууных нь  акцээнтийг танина биддэ энэ чинь" гэнэ.

Гайт өдөр ч ирж, нэг муухай чоно айлчилав аа. Хилийн агуулахаас амилаад босоод ирцийм шиг царайтай гээч! Дураараа зантайг хэлэхүү, ойгоор зүгээр явжээснаа өлсөнгүүтээ зүгээр л, заа нэг хэдэн ишиг идчий гээд яваад очно.

Тэрээр хаалга тогшив:

-Хай-яа! Ээж нь илэсаан, үүдээ нээваа хэхэхэ! гэж тэчьядан өгүүлтэл:

-Хээ цэс, энэ гитад дуу байна, үүдээ улам түгж гэж хамгийн ахмад ишиг хэлж гэнэ. Гэтэл хаалганы гаднаас хоолойгоо засах чимээ гараад ахин юм хэлсэн нь:

-Манээ энэ удааны айлчаллын гол жорлого волл танээ бичхан ишигнүүдэд-э... гэтэл

-Уваа халгөө гэж! гэж ишигнүүд яриаг нь таслаад, манай ээж төв халх аялгуутай ямаа шүү дээ ккк гэж егзөр дуугаар хэлэв. Тэндээс өөр нэг бяцxан ишиг: аялга нь өөр ч монгол л юм бишүү дээ, оруулчий л даа гэлээ. Том ах ширэв татан дугай болголоо. Бурханы авралл... аминь, аллаах, абра кадабра!

Чоно ч ичиж үхэн шахан холдлоо. Яаран гүйсээр өөрөөс нь үнэгүй юм авч иддэг төв халхын ямаан төрөлт дээрээ очлоо. Тэрээр Чимэд багш Гүрсэдэд буу тулгаад суудаг шиг гүрийсээр гуруун хоног, гуруун шөнө нарны гэрлийг лааныхаар залгуулан суусаар төв халхын, бүр Улаанбаатарын аялга сурч авлаа гэжийшүү.

Чоно алцганан агдагнан, гүйнгэ хар алхаагаар шогшуулсаар явж очлоо

-Эвий бяцxан үрс минь үүдээ нээ, иж нь ирлээ. Дэлэн дүүрэн сүү, эвэр дүрэн өвстэй ирсэнннн! Гэтэл ишигнүүд ура хашгиран үүдээ нээх гэтэл юм үзэж сум залгисан дунд хүү хэлэв:

-Аа та ч манай ээж мөн байвал байхаар байшүү, гэвч гараа харуул даа! гэж гэнэ. Чоно бантангаа гараа шургуулан харуулбал дунд хүү дуу алдан хэлсэн нь: Миний ижийгийн ханцуй цэнхэр эмжээртэй, нударгатай билээ. Таны ханцуй огтор, хар эмжээртэй байна. Гар чинь анжисанд эвдэрчиж, харин миний ижийгийн гар саалийн хувингийн бариул л атгаж байсан  билээ!

Чоно бантаж тэвдээд нүүрээ минчийлгэн, чимээгүй гүрийсээр гүйн одов. Гүйн явсаар нутагтаа ирэн, оёдолчны газар явж хүрлээ.

-Хай-яа гуня, чи над ар газрын гувц хийж өгваа,,,,,

-Өө сайн байнуу, би угаасаа ар газрыхоо, мөнгө хайгаад энд явжийнэ...

...Чоно нударга хаялан исгэрэн явнаа. Явсаар ишигнүүдийн гэрт ирлээ.

-Эвий алаг үрс минь, алиу наад үүдээ дээ! Иж нь юу ацарсан гэж санана?

-Аа ашгүй иж ирсэн, тэхдээ биеийн байцаалт байнуу гүй юу?

 Түй! хэмээн Чоно тэсгэл алдан газар нулиман гүйж одлоо. Гүйсэн чигээрээ "Ишигнүүдийг бариад махы нь удаан тамшаална -(ИБМУТ)" гэдэг газар очиж ямааны үнэмлэх авья хэмээн зандарлаа. "Та өөрөө ямаа мөнүү эхэхэ" гэсэн нэг доройхон дуу нэг газраас гартал чоно ухасxийн харайж, шилэн дээрээс нь зууж сэгсрэнгээ аманд нь бөөн мөнгө үмхүүлвэй....

Чоно хөгжилтэйгээр шүгэлдэн явнаа. Аанай л ишигнүүд дээр ирлээ. Энэ удаа тэрээр бавы бардамаар хаалга өшиглөлөө.

-Xимбээ?

-Иж нь! Хаалгаа тайл даа.

Ишигнүүд бүгдий нь шалгасны эцэст үүдээ тайллаа. Томоос том биетэй, тарган лагс, бүдүүн чоно харайлган орж ирэв

Үргэлжлэл бий.

2010.03.04