​ Монголчууд бид Хирошимад хаясан атомын бөмбөгдөлтийн аюулыг цаасан шувууны дуугаар төсөөлж, өтөл насандаа Чернобыль киногоор цөмийн зэвсгийн хор хөнөөлийн талаар ойлголт авснаас цөмийн эрчим хүч гэх үг биднээс маш хол юм. МҮОНТВ-ийн Ураны талаарх тал талын байр суурийг харуулсан хэлэлцүүлгийг үзэв. Эндээс бид мэдэх ёстой атал, хэлэлцүүлэгт оролцогч талуудын шаагилдсан ярианаас анзааралгүй үлдсэн ойлголтыг тэнэмэл үг болгохгүйн тулд доор буулгалаа. Монгол Улс, Франц Улсын засгийн газартай хамтран хэрэгжүүлэх Зөөвч-Овоо төслийг нийгэмд үнэн бодитоор ойлгуулж чадвал цаашид ураны олон төсөл хэрэгжих бат бөх суурь тавигдах юм.

Гуч шүргэж яваа, олон нийтэд төдий л танигдаагүй залуу МАН-ын тухайн үеийн лидерүүдийн нэг Ж.Бямбадоржийг 2004 оны сонгуульд “далаар нь цэвэр тавьж”, УИХ-ын гишүүнээр сонгогдсон нь содон үзэгдэл байв. ​Гэхдээ тэр зөвхөн “үзэгдэл” байгаад зогссонгүй, ард түмний амьдралд, улс орны хөгжилд ч томоохон хувь нэмэр оруулсан хэд хэдэн суурь асуудлаар хууль санаачлан батлуулсан нь нүдээ олсон сонголт болсныг гэрчилнэ. ​

Өнөөдөр Ч.Өнөрбаяр Ардчилсан намаас УИХ-ын сонгуульд нэр дэвшиж байна. “АН жижгэрэх юм бол Монгол дэлхийд жижгэрэх болчихоод байна” гэж тэр ярьж байгаа. Сөрөг хүчний залуу сэхээтний энэ үг хүмүүст нэгийг бодогдуулж байна. Тэр эмх цэгцгүй шүүмжлэлээр сонгуулийг дуусгахгүй. Монголчууд яаж ч биенээ мэрлээ гэсэн улс дотроо учраа олцгооно. Ганцхан бидний дотроо байгаа маргаанд гадны хүчин зүйлийн нөлөө орчих вий гэж Ч.Өнөрбаяр болгоомжилж байна.

Туршлагатай улс төрчийн хувьд ИЗНН-ын дарга Батын Батбаатар салхийг хагалж “Одоо МАН, АН-аас бусад бүх нам нэгдэж сонгуульд орох цаг нэгэнт болжээ” гэж зоригтой зарласан. Тэр эхлээд гуйсан, тэгээд урьсан, харин энэ удаагийн 35 намын удирдлагуудын дугуй ширээний уулзалтаар цаг ирж нөхцөл бүрдсэнийг албан ёсоор танилцуулах байх. Ийм л улс төрийн том акц, нийгмийн хүлээлт, сонгуулийн халалт өнөөдрөөс эхэлж байна. 2024 оны УИХ-ын сонгуулийг ийнхүү албан ёсоор улс төрийн 35 нам албан бусаар эхлүүллээ гэж судлаачид харж байна.

Эдийн засаг хүндэрч, ёс суртахуун доройтсон энэцаг үед асуудлыг нэг бол хүчээр, эс бөгөөс зөөлөн хүчний бодлогоор шийднэ. Батын Батбаатарын аядуу гуйлт бол сайн хувилбар. Бид одоо улс төрийн бодит үнэнийг олж харах хэрэгтэй. Эрх баригчид, мөн парламентад суудалтай намууд хэрхэн жүжиглэж байгааг харж байна.