Ямар ч том, жижиг асуудал угаасаа хүнээс эхлээд хүнээр дуусдаг хойно доо.

МАХН (МАН) хэзээ ч “Социализмыг сэргээн байгуулна, коммунист дэглэмд шилжинэ” гэж ил тод хэлдэггүй юм. Харин “Ардчиллын алдааг засна” гэж ярих, хийх тоолондоо нүдийг нь сохолж ирсэн.

Айлын зуух онгичиж, бичлэг цацсан Байгаль орчны сайдыг огцруулсан. Иргэдээ “улны” гэж нэрлээд Нийгэм хамгааллын сайд нь огцорсон. Нүүрсний хулгайд холбогдоод Т.Аюурсайхан огцорсон. Одоо Онцгой байдлын сайд нь агентлагийн даргатайгаа нь огцрох болзлоо хангачихлаа. Л.Оюун-Эрдэнэ өөрөө хэзээ огцрох вэ?

Зээлийн шимтгэл бол миний өөрийн 5-6 жилийн өмнө гаргаж тавьсан, судалсан сэдэв. Түүнийг маань шүүх хүлээж аваад “Зээлийн шимтгэл хууль бус юм байна” гэлээ. Хяналтын шатны шүүх шийдчихвэл банкууд дээр нэлээд асуудал үүсэхээр байгаа.

Үндсэн хуулиа өөрчлөхийн тулд эхлээд Үндсэн хуулийг хулгайлж байгаа Цэцийг өөрчлөх ёстой болж байна. Хэрэв тэгэхгүй Үндсэн хуулийн цэц нь өөрөө Үндсэн хуулийнхаа дээр гарч суудаг, Үндсэн хуулиар олгогдсон хууль тогтоох эрх мэдлийг Цэц хэрэгжүүлдэг байдал жишиг болж тогтлоо.

Б.Баасанцогтын шүүгч нарт их хэмжээний мөнгө шилжүүлсэн, шүүхийг авилгадсан нь баримтаар дэлгэгдээд байхад л энэ хэргийг шүүхээр оруулж чадахгүй байна. Аргаа бараад бичлэг энэ тэр цацаж /тэр нь ч гэсэн хууль бус/, тэгээд арга хэмжээ авч байгаа нь Өмгөөлөгчдийн холбоо. Чааваас даа...