Брежневийн тухай анх яаж сонсож, зургийг нь яаж харснаа сайн санаж байна. Би 1964 оны есдүгээр сард нэгдүгээр ангид оров. Энэ бол бид Хрущёвын амласан коммунизмыг хүлээн аж төрж байсан цаг.

Роалд Далийн гайхамшигт түүхүүд Түүний 4 ном хэвлэгдэн гарлаа.

1995 оноос Оксфордын их сургуулийн хэвлэлийн газраас эрхлэн гаргасан Тун товчхон танилцуулга цуврал нь эрүүл мэндээс буддын шашин, материал судлалаас сонгодог бүтээл, урлагийн түүхээс даяаршил хүртэлх өргөн хүрээний сэдвүүдийг богино хэлбэрээр бүрэн утгыг илэрхийлдэг. Боть бүр нь үзэл баримтлал, хамрах хүрээ болон сэдвийн талаар сонирхолтой үнэлэмж, гол санаа, сэдэв, аргачлалын тухай ойлголт өгдөг. Оксфордын шилж сонгосон мэргэжилтэн, зохиолчид нь мэдлэгээ хөгжүүлэхийг эрмэлзэгчдэд хүндхэн сэдвүүдийг ойлгоход хялбар байдлаар бичдэг. Орчин үеийн уншигчдын сонирхлыг татсан энэ цуврал 700-аад сэдвээр бичигдэн гарч, өргөжин тэлж, тогтмол шинэчлэгддэг бөгөөд ямар ч ойлголт, сэдвийн товч гарын авлага болно

Моддын орой ойртсоор, агаарт бүх зүйлийн хүч, энерги мөргөлдөнө. Моддын дундуур дүүлэх шувууд жижигхэн, өнгөлөг сум болон хувирчээ. Тэд жиргэхээ болив. Цөөрөмд буй загас шиг л чимээгүй болов. Нуур хойно нь үлдэхэд тэр моддын сүүдэрт оров. Ойн хөрсөн дээгүүр зүү мэт шилмүүснүүд хөглөрнө. Саяхан ухаж гаргасан булшны шороо мэт зөөлхөн. Толгой дээгүүр нь шувууд элэн зүг бүр шунгинана. Аймшигт тэнгэрийн доорх ойн цоорхойд ирэхэд тэнд нь цагаан моднууд байв. Мөнгөлөг туяхан, сэтгэл булаам хус. Хусыг заримдаа цаасны мод гэж нэрлэдгийг санав. Хачин юм даа, зүүдэлж байхад ийм бодол орж ирдэг. Нарс, хуснуудын залгаа хилд нэгэн нарийн бүтэцтэй үүр байв. Алтан нүдтэй, алтан хошуутай час улаан шувуу газар буув. Авчирсан өвсөө тэр өндөг дарахаар барьж буй үүрнийхээ дотор талд авчран тавив.

Хөсрий нэртийн түүх юуг өгүүлнэ вэ? Монголын утга зохиолын тойм түүх, олон шатны сурах бичигт 17-р зууны үеийн “Асрагч нэртийн түүх” хэмээх нэг зохиолын тухай мэдээ сурвалжууд тааралддаг. Гэтэл “Асрагч” гэдэг нь “Жамба” гэсэн Төвд нэрийн монгол орчуулга бөгөөд тэр номыг зохиогч нь Жамба ноён гэх нэгэн язгууртан байсныг түүх сурвалжид тэмдэглэжээ. Эртний утга зохиолын тэрхүү нэг уламжлалаас санаа аваад би энэ номыг “Хөсрий нэртийн түүх” хэмээн нэр өглөө.