Хэн нэгнийг магадгүй өөрийг тань ийн хэлжээ.  Мэдээж дугуй хөлтөн бүрийг хэлсэн хэрэг биш. Амьдрал дээр ийм дүрүүд пиг дүүрэн тэдний нэг Майга Халиунаа гэж хөлөндөө гажигтайн дээр зарчимч маягийн, үхээрийн муухай ааштай, их зантай, дээрэлхүү, шуналтай, хуурамч нэгэн хүүхэн байдагсан. Мэдээж хэрэг энэ мэтийн муу зан төлвийг өөртөө агуулсан хүний хувьд мэдлэг, чадвар, гавъя гэх мэт сайн чанар гоцроод байх зүйл юу ч байхгүй. Энэ түүний тархины болоод сэтгэцийн майга. Гэтэл тэр бас тойрог мэт хөлний майгатай боловч гангалах дуртай бөгөөд яаж гангалаад ч тэр нь далдлагдахгүй гэдгийг мэдэрдэггүй. Урд насных нь дүр “19-р зууны дунд үе хийгээд манай хойд хөршийн хаант засаглалын үед Симбирск гэх мужид тариалан эрхэлж насыг барсан эмгэн байж” хэмээх бөөгийн үгэнд тас итгэдэг ганганаас ганган бүсгүй. Уул шугамандаа бол тэр царай зүс сайтай, гуалиг бие хаатай угаас ээж аав нь залуу зандан насандаа их гоё уран хийцтэй өндөр туранхай хүмүүс байсан нь түүнд удамшсан бөгөөд одоо тус бүр хувьдаа нэг нэг компани удирддаг бэлтэй аав ээжийн охин аж, ер нь бэлгүй ч аав ээжийн охин байж болно шүү дээ хүний хувь тавилан олон янз гол нь түүний өөрийгөө бусдад хэрхэн таалагдуулж чадаж байгаа нь л туйлаас содон.

Тэр үсээ нүүрнийхээ хэлбэрт тохируулаад засуулдаг, засуулахын тулд орчин үеийн шилдэг залуу мастер үсчид түүнд хэрэг болно тэр олоод ашиглачихаж чаддаг, дараа нь нүүрээ дарвайтлаа будчихна мөн л чадвар сайтай нүүр будагчид, кино жүжигийн нүүр хувиргагчид ч байсан хамаагүй хайж олно, шилдэг манекурууд гээд ер нь тэр бусдад сайхан л харагдах гээд байгаа хэрэг. Угаас бусдын анхаарлын төвд байж чадах ганц аяг нь тэр. Түүнчлэн саяхнаас будаж орхисон нүүрэн дээрээ хуучин муу яажиг нарны шилээ халаад BULGARI ч юмуу GUCCI ч юмуу барууны хандлага бүхий бренд шошготой чамин хуурамч нарны шилийг “Брендийн бичигтэй л бол яадаг юм” гэсэн байдлаар зүүдэг болсныг, юм мэддэг боловч атаархуу зарим хэсэг нь ам уралдуулдаг. Тэрээр дал мөрөө гаргасан цээживч өмсөх эсвэл зүүсэн хөхөвч юухан ийхэн нь үл ялиг гэрэлтчих цэмцгэрхэн цамц өмсөөд доогуур нь гуя хасаа гялталзуулсан богинохоон гээчийн банзал дээш нь чирээд углачихна, хөлөндөө ёстой нөгөө Үнсгэлжин дээр гардаг шиг болор шаахай ч байсан эргэлзэх зүйлгүй өндөрхөн өсгийтэй хөөрхөн л харагдчих болов уу гэснийгээ өөртөө итгэлтэй нь аргагүй сонгоод өмсдөг. Орой дээрээ улаан таван хошуутай шинэ жилийн гацуур модондоо саа юуг элдэв янзын хэлбэрээр тохож хучаад, өнгө өнгийн бөмбөлөг тоглоомуудын нь тоог ихэсгээд ирэхээр өөрийн эрхгүй ширтээд баймаар дэгжин болж байх шиг санагддаг тэрэн шиг Халиунаа хүүхэн өөрийгөө гангалж гарна. Ганган хүнд Гархи нэмэртэй шиг хүзүү, бугуй, шилбэ, хөл гарыхаа хуруу бүрд тооны олноор гархи зүүх жишээтэй. Нөгөө бүсгүй хүний Ертөнцийг авардаг гоо сайхан төгс цогцолбор түүнд үе үе бий болж байгаа нь тэр майгыг эс тооцвол. Ингэж гангарч асан нь түүнд гэнэтийн гэнэтийн өөрчлөлт. Бодож төсөөлөхөд ч хэрийн залуус, хөгшид бүх л насны эрчүүдийн нүд сэтгэлийг татахгүй байхын аргагүй хувирч чаддаг юм. Өөрийгөө чимэглэсний эцэст тансаг үнэр бүхий сүрчигээ нялж аваад өнгө муутайхан хотын гудмаар сарнайн улаан өнгөөр тодруулсан уруулаа хамгаас зохимжгүйгээр цорвойлгон таазаа хаялан алхлахад нь түүний дотоод сэтгэлийн нууц, ааш араншин, ийн гангалсны үнэн учрыг хэн ч үл оошоон бүхнээ тайчин, шуналтан татагдах сохор мэт ЭРЧҮҮД туйлаас олон нь миний хувьд тун чиг харамсалтай. Уг нь нэг том тааз нэг том тойрог гээд билхүүснээсээ доош наймын тоо мэт л харагдана.  Өдгөө хүнийг гоо сайхан гадаад үзэмжээр нь үнэлгээ өгч дүгнэж чаддаг болсны хувьд түүний майга нь тов тодорхой түүнийг нь дагуулж голох нь хэдий байвч зөвхөн гадаад үзэмж чамин байдал, арга заль мэхэнд хууртагсад хэт олон болоод чухамдаа өрөвдөлтэй. Түүнтэй нэг л шөнийг өнгөрөөхийг хүсэгчид, нэг л удаа уулзаж үзэхийг хүсэгчид, нэг л удаа тэвэрч үзэхийг хүсэгчид бурхан минь түй олон. Хөлний майгыг олж харалгүй тячаадагсад тархины майгыг яахин олж харах билээ дээ. Халиунаа хүүхний эл аяглал зөвхөн өөрийн сэтгэл ханамжаа бүрэн мэдрэх, цааш зам мөрөө сэтгэл дүүрэн зураглан явах ганц л зам “Бусдын анхаарлын төвд амьдрах”.

21-р зуун хүний өөртөө таалагдахгүй байгааг таалагддаг болгож өгч чаддаг гайхамшигтай шинжлэх ухааны зуун. Мань хүүхэн майгаа арилгах мэс засал гээчид орох юм яриад явна гэсэн хэнбугай нь ч харсан өөгүй цэмцгэрхэн болж өөрийн хүрээгээ тэлэх хэрэг. Түүнийг үхсний дараа л Сая тойрон хүрээлэгчдийх нь нүд онгойх байх даа хөөрхий, сонин увидастай хүүхэн шүү.

Б.Батсайхан