Сонгууль нэг юм дуусч, Монголын нуруу амрав. Их ч зүдэрлээ. Сонгууль хүлээгээд ахиад хэд хоносон бол хүмүүс галзуурч мэдэх байв. Галзуурсан ч юм шиг байна лээ захаасаа.

Санал хураалтаар нэр дэвшигчид тавираагүй. Харин ард түмэн сонгууль гэдэг кинондоо улам шимтлээ.

Дэргэдэх нөхрөө ахиад нэг хар даа. Тэр чиний өчигдрийн, маргаашийн найз. Та хоёрыг юу эвдрэлцүүлэв? Үнэндээ эвдрэлцээгүй юм, тэгж санагдаж л байгаа юм. Хэсэг зуурын гашуун утаа тархийг чинь хордуулсан. Сонгууль дуусахад л чи сэрчихнэ. Тэр болтол чамайг ээж ааваас заяасан элэг зүрх чинь биш хар хорын муу үгс л удирдаад байгаа нь энэ.

Хотод шигдсэн хэдэн твитэрчин, фэфйсбүүкчинд бол нээлт гэж юу мэдэгдээгүй. Аль хавар л интэрнэт дээр эхэлсэн булай хэрүүл хэвээрээ л байна. Байрны гадаа л хэдэн зураг нэмэгдэв. Бас энд тэнд туг дарцаг дэрвэдэг болсон.

Сурталчилгаа эхэлтэл ахиад 14 хоног дутуу байна. Гэвч хэн ч зүгээр суухыг үл хүснэ. Нэг үеэ бодвол аль аль тал нь адгуус мал шиг дайраад байсан хүмүүсээ твитэр фэйсбүүкээс татсан бололтой арай нам жим болов.

Твитэр, фэйсбүүк хараад байхад Ерөнхийлөгчийн сонгуульд өрсөлдөх гэж байгаа М.Энхболд, Х.Баттулга хоёр адгийн шаарнууд болох нь тодорхой болов. Ерөнхийлөгчгүй баймаар санагдуулжийнэ.