Ж.Эрдэнэбатын Засгийн газар огцроод долоо хоног өнгөрөв. Дараачийн Засгийн газрын эзэн тодорхойгүй хэвээр. Арай гэж нэг Ерөнхий сайдаа буулгасан МАН-ынхан дараачийн удаа толгойгоо хагалуулах Ерөнхий сайд эрэлд мордоод байна. Хуулийн хугацаагаа дуустал (Засгийн газраа байгуулж чадахгүй 45 хоновол УИХ өөрөө тарна) энэ хэвээрээ манарч ч мэдэх нь.

УИХ-д үнэмлэхүй ялалт байгуулж 65 суудалтай бүлэг байгуулсан МАН сонгуулийн үр дүнгээр байгуулсан Засгийн газраа 14 сарын дараа өөрсдийн гараар буулгалаа. Засгийн газрыг огцруулсан ээлжит бус чуулган дээр гишүүн Ц.Нямдоржийн “Ц.Элбэгдорж гэдэг хүн АН-аар тоглож дуусаад одоо МАН-аар тоглож байна” гэсэн нь үнэндээ бол домог юм.

Өнгөрөгч долоо хоногийн гол сэдэв “У.Хүрэлсүхийг хэн тагнасан бэ?” гэдэгт хариулт өгөх явдал байлаа. Гэвч нэг мэдэхэд асуултын байр солигдоод “Хэн шалгасан бэ?” болоод явчихав. Одоо маргаан МАН-ын хүрээнээс хальж, АТГ, ТЕГ гэх мэт мөрдөн шалгах байгууллагууд руу чиглээд ирлээ.

-“Хаалгаар гаргахаар тооноор ороод ирэв” гэгчээр ард түмний сонгуулиар, хуулиар олгоогүй эрх мэдлийг хуйвалдаанаар эргүүлж авна гэвэл Засгийн газар нь ч, тэнд багтсан намууд нь ч олон нийтийн жигшлийг төрүүлэхээс хэтрэхгүй. Ингэвэл дөрвөн жилд нэг удаа явуулдаг сонгуулийн ч хэрэг алга-

НИТХ-ын МАН-ын бүлгээс өчигдөр мэдээлэл хийв. Тэд 60 тэрбумын бичлэгэд оролцсон НИТХ-ын дарга, Нийслэлийн МАН-ын дарга Ц.Сандуйг огцруулахаар НИТХ-ын гишүүдийн гарын үсэг зурсан шаардлагыг НИТХ-аар хэлэлцэх шаардлагагүй гэж үзжээ.

Өнөө өглөөний сонинд МАН-ын Удирдах зөвлөлийн хурлын тухай нийтлэл гарчээ. Гал авалцуулсан хурал болно доо гэлцэж байсан нь болсон бололтой. Харин гал авалцуулсан шийдвэр нь гарсангүй.