Абэ Шинзогийн амьдралыг Харрис маш тодорхой дөрвөн хэсэгт хуваажээ. 2001-2006 онд Койзүми ерөнхий сайдын үед Абэ Шинзо Хойд Солонгост хулгайлагдсан иргэдийнхээ асуудлыг хариуцаж байхдаа цэл залуугаараа нийгмийн анхааралд өртөж тодорсон байдаг. Японы улстөрчдийн насаар бол “ид нас” гэсэн үг. Койзүмийг 52-тойдоо буулгаж авсан юм шүү дээ. “Цэл залуу” учир аргагүй туршлага дутаж, бас дээр нь өвчний учир эхний удаа богинохон хугацаанд алба хашсан. Харин авьяас билгээрээ ЛАН-ын гол дүр болон тодорч гарч ирээд хүчирхэг гүрэн, хүчтэй удирдагч, Японы колончлолын түүхийг цоо шинээр харсан, бас Японы улс төрийг бие даалгаж, батлан хамгаалах бодлогодоо оруулж ирсэн цоо шинийг хандлагыг нь Абэ Шинзогийн хоёрдахь үе буюу “шинэ консерватор” гэж Харрис тодорхойлжээ.

Мүраками Харүки энэхүү романаа 1992 онд туурвисан байна. Уншигчдын тодорхойлсноор эр хүний дотоод сэтгэлийг уг углуургаар нь уудлан дэлгэсэн зохиол гэжээ. Үнэндээ энэ ном тэр чигтээ л хэн нэгэн чимээгүйхэн орж ирээд, нуруун дээр гараа тавихыг нь мэдэрсэн ч эгээ л амгалан, юунд ч адгалгүй, төсөөлөлдөө тэнгисийн гүн рүү эргэлт буцалтгүй уусан алдуурах шиг нам гүмхэн суусаар, дотогшоо чимээлсэн мэдрэмжид хөвсөлзүүлэх увдист хүүрнэл билээ л. Тухайлбал, арван дөрөвдүгээр бүлэгт:

НЭПКО хэвлэлийн газар АНУ-ын Үндэсний газарзүйн нийгэмлэгтэй хамтран хүүхэд, залуучуудад зориулсан дэлхийн атлас шинээр эрхлэн гаргалаа. Дэлхий даяар газарзүйн мэдлэгийг түгээн дэлгэрүүлэх үйлсэд асар их хувь нэмэр оруулсан, баялаг туршлагатай тус байгууллагаас гаргаж буй эл атлас бол 115 нүүр газрын зураг, 200 орчим гэрэл зураг, 234 багц мэдээлэл бүхий онц сонирхолтой бүтээл юм.

Хэрхэн дээд урсгалд хүрэх вэ Дэн Хит номдоо “дээд урсгал”-д хүрэх гурван зөвлөгөө өгсөн байна: 1.Бушуухан гүйцэтгээд үр дүнг нь яаралгүй хүлээ. Зарим зорилгодоо хүрэхийн тулд чамгүй цаг хугацаа зарцуулдаг. 2.Энгийн түвшинд сайн хийдэг зүйлээ дээд түвшинд хийж чадна. Чанх эсрэгээр жижиг асуудлыг шийдэж чадахгүй бол томыг бүр ч чадахгүй. 3.Бүгдэд таардаг супер жор гэж байдаггүй. Өөрийг хэрэглээд үз, дасан зохиц. “Цаг нь ирэх”-ийг хүлээлгүйгээр үр дүнгээ байнга шалгаж, үнэлж бай.

Менежерийн ажлын бүтээмж гэдэг бол тухайн нэгж бүрт зарцуулсан цаг хугацааны үр дүн. Менежерийн бүтээмжийг гурван аргаар дээшүүлдэг. Ажлын хурдаа нэмэгдүүлэх, ажлынхаа үр дүнг сайжруулах, илэрхий үр дүнтэй үйл ажиллагаандаа илүү анхаарал хандуулах. Гол санаа бол гурав дахь буюу илүү үр ашигтай хэсэгтэйгээ түлхүү ажиллах. Өөрөөр хэлбэл хамгийн чухлыг нь барьж ав гэсэн үг. Жижиг сажиг асуудлыг аяндаа засаж залруулж болно.

Гүйлтийн тухай ном нэжгээдийг бичье хэмээн бодож зориглосон нь бараг тэгж ингэсээр арав гаруй жилийн урьд агаад тэр цагаас хойш энэ ч болохгүй, тэр ч болохгүй гэх бодолдоо түүртсээр яг бичье гэх нь гар эвлэхгүй явсаар он цаг улирчээ. “Гүйнэ гэдэг...” амандаа ийн бувтнавч ачир дээрээ ерөөс сэдвийн хувьд хэт огцомдоод чухам юуг, яаж бичвэл дээр вэ гэдэг санаа ер буухгүй, эвлээгүй билээ л.