Хурал ихэдвэл ажил муудсаных, хуушуур ихэдвэл мах муудсаных гэж зарим хүн ярьдаг. Та элдэв янзын хурал, зөвлөгөөн, форумаас үнэхээр залхаж байна уу? Үр дүн байдаг юм уу? Форум, хэлэлцүүлэг хийхгүй байж болдоггүй юм уу? Сонгодог утгаараа ажилладаг бодлого судалгааны хүрээлэн буюу мэргэжлийн тинк танк институти Монголд бий юу зэрэг асуудлыг хөндсөн Синдикат ярилцлагын 25 дахь дугаарын зочдоор “Нээлттэй мэдлэг боловсролын сан”-гийн тэргүүн Д.Энхбат, МУИС-ын профессор, эдийн засгийн ухааны доктор Ч.Хашчулуун, Засгийн газрын Хэрэг эрхлэх газрын даргын зөвлөх Б.Эрдэнэсанаа, Ард санхүүгийн нэгдлийн гүйцэтгэх захирал Ч.Ганхуяг нар оролцлоо.

Шатахуун яагаад онцгой бүтээгдэхүүн гэж, шатахууны үнийн өсөлтийн суурь шалтгаанууд юу вэ, үнэ чөлөөлж болох эсэх, Монгол Улс нефтийн үйлдвэртэй болсноор бид хямд шатахуунтай болж чадах уу зэрэг асуудлыг хөндсөн 24 дэх удаагийн синдикат ярилцлага танд хүрч байна. Энэ дугаарын зочид Газрын тосны газрын дарга асан Г.Өлзийбүрэн, Петровис ойл компанийн ерөнхий захирал С.Энх-Амгалан, Шунхлай ХХК-ийн гүйцэтгэх захирал П.Батхишиг, Киа Моторс Монгол компанийн гүйцэтгэх захирал Б.Баясгалан нар байлаа.Энэхүү нэвтрүүлгийг текст болон видео хэлбэрээр хүлээн авч уншиж бас үзээрэй.

Сингапурын үндэсний их сургууль, Цюрихийн их сургуулийн доктор, профессоруудыг оролцуулсан “Манайлал” сэдэвт дугаараа бид өнгөрсөн онд толилуулсан. Тэгвэл энэ удаад эдийн засаг, улс төр, физикийн шинжлэх ухааны дөрвөн доктортой ярилцсан 22 дахь дугаараа бид Улс төрийн эрсдэл сэдэвт зориуллаа. Популизм гэж юу вэ гэдэг асуултаар эхэлж, ер нь тэгвэл ардчилал гэж юу юм гэдэг асуултаар төгссөн манай багийн шинэ дугаарыг өргөн барьж байна. Энэ дугаарын зочид Монгол Улсын Ерөнхий сайд асан, СЭЗИС-ийн удирдах зөвлөлийн дарга, доктор Р.Амаржаргал, УИХ-ын гишүүн, Тогтвортой хөгжлийн дэд хорооны дарга, доктор А.Ундраа, Эдийн засгийн судалгаа, эрдэм шинжилгээний хүрээлэнгийн захирал, доктор Б.Түвшинтөгс, Warwick&Roger компанийн гүйцэтгэх захирал, доктор Робин Гарсиа нар байлаа. Нэвтрүүлгийг бүрэн эхээр нь текст болон видео хувилбараар хүлээн авна уу.

Хотын эдийн засаг гэсэн сэдвийг хөндсөн манай 23 дахь дугаар танд хүрч байна. Их хотын стратеги, төлөвлөгөө, бүтээн байгуулалт, хөрөнгө оруулалт, төсөв, орлого, зардал, үр ашиг, хувийн хэвшлийн оролцоо, хотын иргэний ухамсар, соёлын талаарх дэлгэрэнгүй мэдээллийг та бүхэн энэ дугаараас авах болно. Энэ дугаарын зочид Нийслэлийн Засаг дарга бөгөөд Улаанбаатар хотын захирагч С.Батболд, Монголын архитекторуудын эвлэлийн хүндэт ерөнхийлөгч Б.Батжав, Улаанбаатар хотын хөгжлийн корпорацийн ТУЗ-ийн хараат бус гишүүн С.Бэхбат, Улаанбаатар хотын худалдааны танхимын гүйцэтгэх захирал Д.Ончинсүрэн нар байлаа. Энэхүү нэвтрүүлгийг текст болон видео хэлбэрээр хүлээн авч уншиж бас үзээрэй.

Феминизм гэж юу болох, хүний эрхийн язгуур ойлголтын мөн чанар, боловсрол, хүмүүжлийн зааг ялгаа, хүний үнэ цэнэ, эрхэм чанар, жендер, эмэгтэйчүүдийн эрх, эрчүүдийн үүргийн талаар хэлэлцлээ. Эмэгтэйчүүдийн "үнэлэгддэгүй" хөдөлмөрийг үнэлж, мөнгөжүүлбэл хэдэн их наядаар улс орны эдийн засаг нэмэгдэх боломжтойг та мэдэх үү? Эрчүүд жаахан соёлтой байх гэхээр “шалчигнасан” болоод доошоо ордог, эмэгтэйчүүд жаахан "бүдүүлэг" болохоор муухан эрээс дээр гээд магтаал болдог нийгэмд бид амьдарч байгааг та хүлээн зөвшөөрөх үү? Синдикат ярилцлагын 21 дэх дугаарыг бүрэн эхээр нь текст болон видео хувилбараар хүлээн авна уу.