Иргэний оролцооны талаар дэлхий нийтээр ярих болсон тэр жишгээр бид ч дуугарч, дурдах болсоор багагүй хугацаа өнгөрлөө. Үнэхээр сайн засаглалыг бий болгож, иргэнээ сонсдог тэр нийгмийг бий болгохын тулд иргэдийн оролцоо зайлшгүй чухал.

Шүүхийн салбарт гарч байгаа шинэтгэл нь иргэдэд илүү ойр болж, хүмүүсийн дунд шүүх бол үйлчилгээний байгууллага гэсэн сэтгэхүй улам бүр суусаар байгаа билээ.

Үнэхээр шүүх, шүүхийн байгууллага шинэчлэгдсэн үү гэдэг асуултын хариуг хамтдаа хайж байгаа билээ. Ямартай ч шүүхэд итгэдэггүй гэж хариулдаг байсан иргэдийн итгэдэг гэсэн хариулт эрс нэмэгджээ.

Ингэхэд шүүхээр явж үзсэн хүн байна уу. Ямар нэг байдлаар хэрэг төвөгт холбогдож, хохирогч болсон эсвэл мөнгө төгрөгийн маргаантай асуудалд орж, дор хаяж гэр бүл цуцлуулахаар шүүхийн хаалга татаж байсан хүмүүс бий. Өөрөө үгүй юм гэхэд ар гэрийнхэн, найз нөхөд нь холбогдож шүүх хуралд сууж үзэж байсан хүмүүс цөөнгүй.

Дэлхийн улс орнуудын дийлэнх нь ардчилсан тогтолцоог даган, чиг мөрөө болгон явж байна. Монголчууд бид өмнөх нийгэмд амьдарч байхад ямар байсан, эдүгээ ардчилал гээч нь ямар ялгаатайг аль алийг нь үзэж туулж яваа үндэстний хувьд дориун мэднэ.

Ө.Энхтүвшин: Хүн нэг үгтэй, нэг нүүртэй байгаасай гэж боддог