Хүн халамжлуулан тэжээлгэх унхиагүй, нялзрай, эргүү мунхаглалаас ангид байж, баялгаа бүтээж, зориг эрмэлзлэлээрээ хүсэл тэмүүлэлдээ хүрэх учиртай...

Төр, төрийн сүлд хоёр өршөөлийн газар биш харин харгислал дарангуйллын зэвсэг болой. Төрийг, түүний нэрээр гул баригсдаар харгислал үйлдүүлэхгүйн тулд төрийг хязгаарлан хазаарламуй.

Мөнгөгүй бол үнэ цэнэ байх уу? Амьдрал байх уу? Хөдөлгөөн, үйлчилгээ байх уу?

Би шинэ нам хүлээнэ, шинэ нам хүснэ, тэр шинэ намыг байгуулах, бий болгох үзэл баримтлалтай хүнийг дэмжинэ, өнөөдрөөс эхлээд Ардчилсан намаас Сосорбарам гарсан гүйцээ!

Хяхсан, хавчсан, сүрдүүлсэн, зусардсан, золиос нэхсэн, хүний болоод бизнесийн хөгжилд чөдөр тушаа болсон чөтгөр үүрлэсэн “5” толгойгоос ангижрахыг зөв үйлс гэж үзнэ би...

Хэн ч бай өөрийнхөөрөө амьдарч, аз жаргалаа өөрөө цоглоох цулбуурыг хүмүүст өөрсөнд нь атгуулаад л орхи. Харин хуулийн дор хэн бүхэн тэгш бөхийх бас өндийх учиртай. Хуулиар зөвшөөрөгдсөн л бол хувь хүн юуг ч хийж болно. Хуулиар зөвшөөрөгдөөгүй байхад зориуд өөрчилж байгаад хүнийг харгислагч бол төр. Ер нь Үндсэн хууль бол хувь хүний эрх, эрх чөлөөг төрийн харгислалаас хамгаалсан гэрээ. Үндсэн хууль нь дарга нарт өгсөн бэлэг сэлт биш учраас түүнийг дураараа өөрчилж болдоггүй!