Луужин: Мөнгөний сэтгэлзүй

Морган Хаузэлын Мөнгөний сэтгэлзүй (The Psychology of Money: Timeless Lessons on Wealth, Greed, and Happiness) ном нь санхүүтэй холбоотой хүний ааш зангийн ажиглалт юм. Бид яагаад мөнгөтэй холбоотой шийдвэр гаргахдаа дандаа шинжлэх ухаанч бус, хөөргөн эсвэл айдастай ханддаг вэ гэдэг асуултад хариулт өгнө. Ном нийт 20 бүлгээс бүрдэнэ. Санхүүгийн амжилт гэдэг нь таны IQ эсвэл эдийн засгийн нүсэр онолоос илүүтэй өөрийгөө яаж жолоодохоос хамаардгийг харуулдаг. Та хэчнээн өндөр орлоготой байлаа ч сэтгэл санааны хувьд тогтворгүй бол мөнгөө үрээд дуусгах амархан гэдгийг л сануулна.