Тонших гэмт үйлдэлтэй тогшоо засаг төр ногоон автобусаар ногоорч, хорооноогоор хармай хотоо дүүргэж, төрийн гэх нэртэй өмчид онц байдал тогтоож, онцгой ихээр тогшиж байгаагаасаа болж өөрсдөө өөрсдийгөө ТОНШИЖ эхэлсэн ТОНШОО хаа хүрэх юм болдоо?!!?

Сонгогчид өөрийгөө төлөөлүүлж УИХуралд хүн сонголоо гэсэн чинь суурь үхэр сонгосон нь тодорхой болоод ирэхийн цагт сонгогчид өөрсдөө үхэр сүрэг болоодохлоо.

Залагдсан толгойнууд нь баян толгойнуудаас хандив дэм авч зайдлах толгойнуудаа худалдаад авдаг учир манайд сонгууль сонгууль биш наймаа хуйвалдаан болоод явчихна. Хуйвалдаанаар сонгогдсон гишүүн толгойнууд ивээн тэтгэж, ивээлдээ багтаагч баян толгойнуудаас авсан хандиваа төлөхдөө худалдаж авсан толгойнуудаа дахиад л ичгүүргүйгээр мөлжинө. Мөлжүүлсэн толгойнууд мөнх бусыг үзэх дөхнө. Улны толгойнууд бол үхрүүд гэж хатан толгойтонд зэмлүүлнэ.

Өнөөгийн эрх баригчид МАНАН-гийнхны эрийг нь бөлдөгдөн, эмийг нь салтаадаж боолчлон хараандаа байлгадаг. Энэ нь цаанаасаа эрх чөлөөнд атаархагч оросын даалгавар. Даалгавраа их сайн давуулж биелүүлж түүнийгээ төрийн 3 гулзгайд халдаасан нь улам нотлогдсоор л байна. Эхний туулай 8 жил төр барихдаа боломжийн дөнгүүрдүү ажилласан. Дараах туулай нь 4 жил төр барихдаа Монголыг нуралт уналт руу аваачиж харин өөрөө хамсаатнуудтайгаа нийлж хармай хотоо бохир мөнгөөр улам цулайлган дүүргэж, хариуд нь харин Монгол ялагдаж монгол хүний тархи бохирдсоор л...

Засаг дотроосоо ялзарч ногоорсон учраас ногооруулсан ЕС ногоон-Эрдэнэ ногооноороо байгаа учраас огцор! Огцруулж байж авилгалын, дарангуйллын нууц задарна. Задарсаны дараа ногоонуудыг ногоон малгайт болгож байгаа хөх туг урагдана.

Хэн ч бай өөрийнхөөрөө амьдарч, аз жаргалаа өөрөө цоглоох цулбуурыг хүмүүст өөрсөнд нь атгуулаад л орхи. Харин хуулийн дор хэн бүхэн тэгш бөхийх бас өндийх учиртай. Хуулиар зөвшөөрөгдсөн л бол хувь хүн юуг ч хийж болно. Хуулиар зөвшөөрөгдөөгүй байхад зориуд өөрчилж байгаад хүнийг харгислагч бол төр. Ер нь Үндсэн хууль бол хувь хүний эрх, эрх чөлөөг төрийн харгислалаас хамгаалсан гэрээ. Үндсэн хууль нь дарга нарт өгсөн бэлэг сэлт биш учраас түүнийг дураараа өөрчилж болдоггүй!