Подкастад орсон 600 гаруй хүн, түүний дотор Ерөнхий сайд асан С.Баяр энэ нотолгоог хоёр чихээрээ сонссон. Тиймээс нууц байхаа больсон гэсэн үг. Харин үлдсэнийг нь хэзээ ил болгож, иргэдийнхээ эргэлзээг тайлах вэ, эрхэм Ерөнхий сайд аа?

Ерөнхийлөгчийн зөвлөхүүдийн нэг нь “Ялсан намын дарга Ерөнхий сайд байх зарчмын дагуу Л.Оюун-Эрдэнэ нь намаа авах хэрэгтэй” хэмээн жиргэсэн нь ч гэсэн санамсаргүй үг биш байх. "Эр хүний дотор эмээл хазаартай морь" гэдэгчлэн Л.Оюун-Эрдэнэд ч гэсэн өөрийн бодол байж таарна. Өмнө нь М.Энхболдыг яалаа?

Шүүхийн ерөнхий зөвлөлийн дарга Н.Лүндэндорж салбартаа хийгдэж буй шинэтгэлийг “буугүй хувьсгал” хэмээн лут нэрийдсэн байна лээ, угийн ёжтой хүн болохоороо. Харин боловсролын салбарт одоо хийгдэж буй шинэчлэлийг “чимээгүй хувьсгал” гэж нэрлэмээр бодогдов.

Өнөө өглөөний сонинд МАН-ын Удирдах зөвлөлийн хурлын тухай нийтлэл гарчээ. Гал авалцуулсан хурал болно доо гэлцэж байсан нь болсон бололтой. Харин гал авалцуулсан шийдвэр нь гарсангүй.

Ирэх зургадугаар сард болох Ерөнхийлөгчийн сонгуульд нэр дэвшигчдийн цуваа гарч дуусав.

Өчигдөр хуралдсан Засгийн газрын ээлжит хуралдаанаар “Эрдэнэт” үйлдвэрийн ТУЗ-ын дарга, Гүйцэтгэх захирлыг томилно гэсэн шум тараад байсан ч тэгсэнгүй. Үүнээс болоод тус үйлдвэрийн 49 хувийг худалдаж авсан “Монголын зэс” корпарацийнхан хүртэл түргэн авч, түр зогсолт хийгээд байсан нь талаар болов.