ҮАБЗ гэж гудамжаар зам хаалгаж явдаг, Их тэнгэрт амьдардаг төрийн хамгаалалттай хувь хүн бүхий гурван дарга болохоос хууль тогтоох, гүйцэтгэх, шүүх гэсэн гурван засаглал, төрийн гурван өндөрлөг биш.

Ёс суртахуунгүй орчинд хуулиар юу хийх вэ, хамгийн хэрэггүй гэх нэгэн суутны үг ч бий. Тэгэхээр ёс суртахуун, хууль хоёрын аль нь анхдагч вэ? Манай улс төрд, улстөрчдөд аль нь ч байхгүй юм шиг!

Өнөөдөр битгий хэл, 1990 оноос хойшхи Монголын улс төрд парламентын гаднаас ингэж эрх баригч нам-Засгийн газар-УИХ гурвыг гурвууланг нь давхар удирдсан хүн гараагүй юм.

Энэ нь УИХ-ын гишүүн Д.Дамба-Очир, Б.Ундармаа, Л.Энхболд, Г.Солтан нарын мууг үзэх гэсэн хэрэг биш ээ. УИХ-ын гишүүн хулгай хийж болдог, хулгайлснаа УИХ-ын гишүүний бүрэн эрх дор нууж болдог өнөөдрийн бодит жишээг цаашид жишиг болгохгүй таслан зогсоох нь төрийн тэргүүн-Таны үүрэг.