2025 оны Давосын чуулганд дэлхийн 130 орны улстөрч, шийдвэр гаргагчид, бодлого боловсруулагчид, хувийн хэвшил, иргэний нийгэм, эрдэмтэн судлаач, хэвлэл мэдээлэл, урлаг, соёл, спортын манлайлагчид болох 3000 гаруй лидерүүд тусгай мандаттай уригдав.

Тусгай Олимпын онцгой тамирчдын тухай шинэхэн дугаараа та бүхэнд хүргэж байна. Зочдоор Алтанцэцэг. “Монголын Тусгай Олимпын Хороо”-ны Гүйцэтгэх захирал Б.Алтанцэцэг, “Басхүү Имплант Клиник”-ийг үүсгэн байгуулагч, Клиникийн професор, Эрүү нүүрний мэс заслын их эмч И.Басхүү, “Монголын Тусгай Олимпын Хороо”-ны Спорт хариуцсан захирал Б.Мөнх-Од, “Монголын Тусгай Олимпын Хороо”-ны Тамирчин болон Залуу манлайллын хөтөлбөрийн зохицуулагч Д.Шинэцэцэг нар уригдлаа.

Олон улсын зах зээлээс Series B хөрөнгө оруулалтыг анхны компани тун удахгүй татаж гэрээгээ эцэслэх гэж байна. Монгол компани хөрөнгө удирдлагын чиглэлээр Сингапурт оффисоо нээж, олон улсад гарснаас гадна АНУ-ын цахиурын хөндийд бас монгол компаниуд нийлээд өөрсдийн оффистой болжээ. СЭЗИС анхны эндовмент сан байгуулчихлаа. Монголд эхнээсээ нууцхан байдлаар анхны Family Office-ууд байгуулагдаж байна. Монгол Bootstrapping старт ап Японоос багагүй хэмжээнээс хөрөнгө оруулалт авч, дотоодын старт ап компаниудын түүхэнд бас нэгэн нэн шинэ түүх бичих гэж байна. Нэвтрүүлгийн зочдоор Мэдээллийн технологийн үндэсний паркийн захирал Ж.Золзаяа, “Exponential Zaisan Partners” хөрөнгө оруулалтын сангийн захирал А.Азбаяр, “Synergy Fund Solution” хөрөнгө оруулалтын менежментийн компанийн захирал А.Анар, “Smart Mongol” апп-ыг үүсгэн байгуулагч болон ”Founders Club”-ын захирал З.Цоломонбаяр нар уригдлаа.

Манай 75 дахь дугаар мульти форматаар танд хүрч байна. Энэ дугаарт бид улс даяар явагдаж буй эрт илрүүлгийн урьдчилсан үр дүн, дүн шинжилгээ, Монголын эрүүл мэндийн салбарт тулгамдаж буй сорилт ба шийдэл, улсын болон хувийн эрүүл мэндийн даатгал, эрүүл хооллолт ба эрүүл амьдралын хэв маяг, Монголчуудын эрүүл мэндийн хамгийн том асуудал болоод буй хоол боловсруулах эрхтэн системийн өөрчлөлтийн талаар салбарын тэргүүлэх зэрэглэлийн мэргэжилтэнгүүдтэй ярилцлаа. Зочдоор "Бодь Даатгал" ХК-ийн Эрүүл мэндийн даатгалын хэлтсийн захирал Д.Дөлгөөн, Улсын Нэгдүгээр Төв Эмнэлгийн гастроэнтерологийн төвийн их эмч Г.Анар, “Нийгмийн эрүүл мэндийн академи” ТББ-ын тэргүүн Б.Доржмягмар, “SeeZam” эрүүл хоол үйлдвэрлэлийг үүсгэн байгуулагч, олон улсын хоолзүйч З.Маргарита нар уригдлаа.

Лех Валенса гуайг одоо хүртэл амьд байдаг юм уу гэж олон хүмүүс асуудаг. Амьдаар барах уу даа, энэ эрхэмтэй ажлын өргөөнд нь уулзаж ярилцах завшаан тохиов.

Та бид хүмүүнлэг, иргэний ардчилсан нийгэмд амьдрах ёстой гэдэг эрхээ үндсэн хуульдаа тунхагласан. Энэ хүсээд буй нийгмийн гол суурь нь хүний эрх, хүртээмжтэй нийгэм, сайн засаглал юм. Харин энэ бүх гол ойлголтуудыг хооронд нь төдийгүй нийгмийн бүхий л оролцогч талууд дунд холбодог бүтэц нь мэргэжлийн, ёс зүйтэй, мэргэшсэн сэтгүүлч, хэвлэл мэдээллийн байгууллага, сувгууд байдаг. Сүүлийн үед нийгэмд үүсээд байгаа нөхцөл байдал, улс төрийн бужигнаан, иргэд, дан ялангуяа залуусын дунд хөвөрч буй хөдөлгөөн, хэвлэл мэдээлэл, сошиал медиа дахь олон дагагчтай эрхмүүд рүү хандсан шүүмжлэл зэрэгтэй холбоотойгоор 71 дэх дугаараа бэлтгэлээ. Зочдоор “Бодлогод Залуусын Хяналт” ТББ-ын зөвлөх, үүсгэн байгуулагч Ц.Мандхайхатан, “Засаглалд Залуу Сэтгүүлчдийн Оролцоо” хөтөлбөрийн төгсөгчдийн холбооны зохицуулагч З.Энхбаяр, “Мэргэжлийн Социологичдын холбоо”-ны гүйцэтгэх захирал Н.Батзориг, “Иргэдийн Оролцоо” төслийн олон нийттэй харилцах ажилтан Г.Гансувд нар уригдлаа.