Гэр хорооллын хашааны газар "зээлжих зэрэглэлгүй"-н улмаас чөлөөт зах зээлийн харилцаанд орж чадахгүй байгаа нь нийслэлийн хагас сая иргэн тогтвортой орлогын эх үүсвэргүй болж ядуурахад хүргэсэн. Хагас сая хүн төлбөрийн чадваргүй болоход зах зээл хагас сая худалдан авагчаа алдан бизнес дампуурч, үүний улмаас эдийн засаг хумигдан давжаардаг.

Ямар ч атугай гэр хорооллынхон хүлцэнгүй, тэмцэх чалхгүй байгааг дарга нар андахгүй байна. Тэгээд дорд үзэн дээрэлхэж, боловсролтой эсэхээр нь дайран тавлах ажээ!

Хөдөөнөөс арга эвийг нь олоод дарга нарын эгнээнд орсон этгээд эргээд хөдөөнийхнийгөө дорд үзэхийг яана. Гэр хорооллоос өндийж томчуудын зиндаанд очсон нөхөр гэр хорооллынхныгоо чадахгүй, мэдэхгүй гэж басамжлахыг нь яана. Үнэхээр зэвүүтэй. Ийм хүмүүсийг Баабар "нянгарууд" хэмээн нэрлэсэн нь их оносон доо.

Ардын намын энэ балмад санаархлыг бусад улс төрийн хүчнүүд хамтран таслан зогсоох хэрэгтэй. Ардчиллын төлөө биш юмаа гэхэд Хятад шиг нэг намын манлайлал доорхи олон намын тогтолцоонд шилжихийг хүсэхгүй байгаа бол хүчээ нэгтгэн тулалдах хэрэгтэй.

Ерөнхийлөгч Х.Баттулгын багийнхан 30-аад оны "онцгой комисс" шиг ажиллаж байна. Шүүхийн