Намайг үг сүггүй гүжирджээ. Муухай гүжирджээ. Муухайгаар зогсохгүй улс төрийн зорилгоор санаатай гүжирджээ. Намайг Ардчилсан Намаас зайлуулахыг намын шинэчлэлийн “гол нөхцөл” болгон “шаардах”-ын тулд гүжирджээ.

М.Энхболд өөрийнхөө нэр хүндээр сонгуульд ялж чадахгүй. Судалгаагаар ямагт гуравт бичигдэж байгаа. Нийслэлд бүр ч хэцүү байгаа. Бараг л эхний аравт ч багтахгүй.

Бид тайван замаар дарангуйллын дэглэмээс салсан шигээ тайван замаар дарангуйллын тогтолцоо руугаа буцаж явна.

Мөнхтөртэй “Мөнхтөрийн цаг”-аар ярилцсан. Мөнхтөр туршлагатай сэтгүүлчийн хувиар миний “загатнасан газар маажив”. Би ч баярласандаа “огло үсрээд” Мөнхтөрийгөө, бүтэн асуулт тавих сөгөө өгөлгүй, хариултаар “шүршиж” орхив. 30 минутад олон жил бодсон зүйлээ хэлж амжих санаатай тэвдэхдээ ингэж “шүршсэн” хэрэг.

Хэн нэгний зохисгүй үйлдэл нь гэмт хэрэг мөн эсэхийг зөвхөн мэргэжлийн шүүгчдээс бүрдэх шүүх тогтооно. Хэрэв гэмт хэрэг мөн гэдэг нь тогтоогдвол эд хөрөнгө, эрх чөлөө, амь насыг нь хөндөн хариуцлага ноогдуулан ял оноох эрхийг зөвхөн тухайн шүүх эдлэх учиртай. Өөр хэн ч ийм эрхгүй. Тэр тусмаа улстөрчид. Тэднийг шүүх эрх мэдлээс бүр ”хол” байлгах ёстой.

Ардын намынхан коммунист үзлээ гудсан доороо нуусан байжээ. Тэр нь сүүлийн үед цухуйж харагдах боллоо.