Миний хүү. Би чамд нэг үгээр хэлж өгье. Хүү минь чиний аав эзэн хаан биш, чиний аав эгэл жирийн нэгэн. Гэхдээ хэн ч бай хамаагүй. Үрээ гэх үүрдийн сэтгэл бүгдэд бий. Эзэн хаанд ч байгаа эгэл нэгэн иргэнд ч бий. Юу үнэн энэ үнэн. Би ингэж бодож байна.

Гарчиг нь жаахан тиймхэн болчихлоо. Зөвлөмж гэдэг байж уу? За яахав, тэгээд ойлгочих. Тэр их чухал биш.

Охин минь. Эхнэр хүн, ээж хүн ямар байх ёстой билээ? Энэрэнгүй зөөлөн сэтгэлтэй байх хэрэгтэй. Аливааг зөв талаас нь эхлээд хардаг. Ухаалаг өрөвчхөн нигүүсэх сэтгэлтэй байх хэрэгтэй. Бас зовлонд өвдөг сөхөрч нулимс дуслуулан суудаггүй хатан зоригтой байх ёстой.

Хорьж болдоггүй үйлдэл. Цааргалж дийлдэхгүй хүсэл гэж байдаггүй. гэдэг юм. Юу гэсэн үг вэ? Гэвэл: Хэн аливаа юманд илүү их ухаалаг байж чадна. Тэр хүн өөрөө өөрийгөө дарж чадна гэсэн үг. Тийм учраас Миний хүү. Чи мэдэхгүй чадахгүй байвал. Чимээгүй бай. Дуугүй сууж өнгөрөө.

Миний хүү. Миний охин. Чи сонс. Аавыгаа сонс. Хүү минь сайн хүн байх боломж бол байгаа. Элэгсэг сайхан сэтгэл гэрэлтсэн. Мэргэн ухаанаар гийсэн сайхан хүн байж чи чадна. Бурхан түүнийг бидэнд бүгдэд өгсөн. Тийм учраас: Чи чадна. Би ингэж бодож байна.