Эх хүний хайр нь гүн. Сэтгэх нь агуу. Сэрэх нь гайхамшиг. Тийм учраас тэр хайр юуг ч бий болгож чадна. Тэр хайранд бүх юмс оршдог. Тэр хайранд бүх зүйлс амьдардаг. Тэр хайранд амьгүй юмс амилдаг. Нар, сар, од гаригс, мод, уул ус бүгд түүнтэй ярьдаг. Тэр хайраар хүн өөрөө бүтээгдсэн юм. Тийм учраас ээж бол БУРХАН. Ээж бол ХАЙР. Эхийн хайр МӨНХ.
Хүү минь энэ сургаалийн агуулга нь илүү их гүн билээ.
Бурхан багш Гүн номын ариун орон “Тас цогцолсон хэмээх” ариун ууланд олон мянган бурхад, бодьсадва нар болоод газар, тэнгэр, уул ус лусын эзэд нартай хамтдаа заларсан гэдэг билээ. ... Тэд бүгдээрээ ариун шагшаабадад сайтар гэгээрсэн. Бурханы номын чанадын хязгаарт хүрэгсэд байлаа.
