Эхнэр нь: 

-Наад архиа хэзээ болих юм бэ!
-Харин тийм ээ, би сэтгэлийн тэнхээгүй юм
-Эхнэртэйгээ бүтэн сар унтаагүй байж санаа зовохгүй байх сэтгэлийн тэнхээ бол байна тийм ээ?!

***

Нарийн бичгийн ажилд орох ярилцлага дээр ажил горилогч: 

-Өмнөх ажилтан нь яасан юм бол?
-Декретээ авсан
-Хүнд нөхцөлтэй л ажил юм байна.

***

Сонгуульд хэнийг сонгох талаар зөнчөөс зөвлөгөө асуухад:
-Хүн бус амьтан сонго. Үр дүн нь ижил ч хэмнэлттэй: амьтан нэг удаа идэхийгээ л хулгайлна.

*** 

Ард түмний мөнгийг луйвардаж идээд гадаадад хауз авч тансаглаад байгаад нь дургүйцээгүй ээ. Эргэж ирээд байхаар нь дургүй хүрээд байгаа юм.

***

Бүсгүй та ухаалаг, хөөрхөн, гуалиг, яаж ч идсэн жин нэмдэггүй, хайртай ханьтай, эцэг эхтэйгээ сайхан харьцаатай бол та... шулам!

***

Хүүхнүүд зөвхөн мөнгөнд л болдог гэдэг яриаг мөнгөгүй эрчүүд зохиосон юм шүү.

***

Эрчүүд ээ, ямар ч тохиолдолд гэрлэлтээ батлуулчих хэрэгтэй. Хүүхэн найрчихаад бултахад гоё шалтагтай болно гэсэн үг.

***

Голын эрэг дээр барилга барьж буй компанийн тоосгоноос 10000 тоосго дутжээ. Хариуцсан ажилтнаас:

-10000 тоосго хаашаа алга болсон бэ?
-Голын ус руу шидээд живүүлчихсэн
-Ямар шалтгаанаар тэр их тоосго ус руу шидэх болсон юм?
-Нэг юмны учир олох гээд
-Юуны?
-Тоосго өөрөө дөрвөлжин, гэтэл ус руу шидэхээр үүсэх долгион нь тойрог, сонин байгаа биз? 

***

-Бүсгүй та хэдтэй вэ?
-19 нас 72 сартай.

***

Миний ажил цаганд баригддаггүй амар: Хүсвэл өглөө 6.30-д ирнэ, хүсвэл шөнө 12-т харина. Дургүй хүрвэл бүр гэртээ харихгүй ч байж болно.

***

Машинаа будганд өгтөл зөвхөн 1 талыг нь л будсан байв. Учрыг нь асуутал:
-Гэрээнд: “Нэг талаас "Авто засвар" ХХК, нөгөө талаас Үйлчлүүлэгч..” гэсэн байгаа биз дээ?

***

Хотын төвд халуун ус тасраасай. Би ч гэсэн бусдын адил чийрэгжмээр байх юм. 

***

Найз залуугаа солингуут л дахиад хөөрхөн, ухаалаг, гоё хоол хийдэг гээд л магтуулж эхэлжбайгаа юм даа.

***

Байхуу цай, кофег бараан аяганд хийж өгч байвал шингэн найруулснаа далдалсан харамч хүн байна гэж ойлгоорой.

***

Нөхөр тань хар амиа л боддог бол асуудал биш. Харин өөр хүүхнийг боддог бол асуудал шүү.

***

5 жилийн өмнө ямар хувцас моодонд орж байсныг лагер дээр очоод харж болно.

***

Покердохоор явахдаа хамгийн ганган бандаашаа өмсөж байгаарай. Учир нь та зөвхөн түүнтэйгээ харих болж магадгүй.

***

Баян хужаа Италиас Мade in Сhina гэсэн костюм авч байх юм. Эд нар хүн төрөлхтнөөр тохуурхаад байна уу?!

***

-Тагнуулынхан Ерөнхийлөгчийн утсыг чагнасан хэрэг гарчээ
-Яамай даа, ядаж 2-3 хүн яриаг нь анхааралтай сонсож дээ.

***

За сайн уу, газар доороос гарч ирсэн гай байна би. Ажил алба сайн уу, ар гэрийнхэн давгүй юу. Сайхан танилцана аа, хоёулаа. Би танайд удна угаасаа.

***

Нэг хачин юм мессенжерээр өдөөд "Орондоо орчихсон юм уу? Чам дээр юу байна?" гэхээр нь "2 хүн амины хэрэг тохсон байна даа" гэсэн чинь таг болов.

***

Хурим тарах дөхжээ. Зочид дуу хуур, идэх уух юмнаас ядарсан байна. Нэгэн халамцуу эр:
-Хэн нэг нь эхлэх ёстой биз дээ! гээд хажуудхынхаа нармайг нээв.

***

-Та Гонконг, Синга, Сөүл, Турк, Европ гээд бүх газраар аялжээ. Хаанах нь хамгийн их таалагдав?
-Мэдэхгүй ээ, би эхнэр хүүхдүүдтэйгээ явсан.

***

Яг сайхан үнэтэй кофе чанагч авах боломжтой насан дээрээ ирэхэд эмч кофе уухыг хориглож эхэлдэг юм байна шүү, залуус аа!

***

Өглөө сэрэх явцын 5 шат: 

-Эсэргүүцэл
-Бухимдал
-Наймаалцах
-Эвлэрэл
-Кофе

***

-Нам унтаж байхад шөнө 4 цагт утас дугарч сэрээгээд, новш чинь дугаар андуурсан байгаа юм даа!
-Харин ч гайгүй гарч, андуураагүй үнэхээр чамруу залгасан байсан бол яана?!

***

-Миний хүү муураа битгий их үнсээд бай, наадах чинь байнга бөгсөө долоож харагддаг юм
-Аавыг даргын бөгс долоогч гэдэг ч та үнсээд л байдаг биз дээ?

***

Ерөнхийлөгч маань танд таалагдаж байна уу? гэсэн санал асуулгад хамрагсдын ердөө 5% нь зөв хариулж чаджээ.