-Та яагаад хөршөө зодсон? 

-12 давхар дахь орон сууцандаа тахиа тэжээж байгааг нь би мэдахгүй тархинд тахиан дуу хий сонсогдоод байна гэж бодоод шархаданд 3 сар эмчлүүлсэн.

**

-Эмнүүд яагаад дундуураа зураастай байдаг юм бол? 

-Амаараа ууж чадахгүй бол бөгс рүү нь хасах отвёрткоор эргүүлж оруулдаг юм шүү дээ. 

**

-Нүд чинь яагаад хөхөрчихөв? 

-Хайртай хүүхнээ өмөөрч зодоон хийгээд 

-Эр хүн. Хэнтэй зодолдсон юм? 

-Эхнэртэйгээ...

**

-Эрдэнэтийн вагон аль замаас хөдлөх вэ? 

-Явчихсан шүү дээ

-Хүүe ээ, хаашаа явчихсан юм?

**

Каратэгийн хар бүстэй дэлхийн аварга эрээс асууж байна: 

-Ямар бүстэй хүн таныг дийлж танаас мөнгө салгаж чадах вэ? 

-Бүсгүй хүн л чадна даа.

**

Гудманд танихгүй эмэгтэйг үнсэх гэвэл “Согтуу, солиотой юм уу!” гэдэг. Хөөрхий өөрийгөө согтуу юмуу солитой хүнд л таалагддаг гэж боддог юм байх даа?

**

100 найзтай байвал... араасаа 100 хутга шаалгуулна.

**

Уг нь хүнийг хайрлаж, эд хөрөнгийг ашиглах ёстойсон. Гэтэл өнөөдөр яг эсрэгээрээ.

**

Тэнэгүүдийн улсад ухаантай хаан байж болохгүй л гэх юм.

**

-Нохойгоо үгэнд орохгүй бол хоншоор луу нь цохичихдог юм би... 

-Ийм хөөрхөн бульдогийг зодож яах нь вэ! 

-Бульдог биш ээ, овчарк :(

**

Монголын эдийн засгийн уналтын... хурдны... өсөлтийн... хурдатгал... тогтворжлоо.

**

Аптект ороод тайвшруулдаг эм авах гэхээр л үнийг нь сонсоод уур хүрээд авч чадахгүй юм.

**

Зураг зурж чадахгүй бол фото зурагчин бол

Хөгжим тоглож чадахгүй бол DJ бол 

Дуулж чадахгүй бол рэппер бол 

Бичиж чадахгүй бол твиттерчин бол 

Юу ч чадахгүй бол улстөрч бол.

**

Таныг тэнэг гэхэд та гомдож байвал та үнэхээр л тэнэг юм.

**

Өмсөх хувцасгүй хүн зөндөө л байдаг. Гэхдээ бас нэг их сайхан хувцсан дотор хүн нь байхгүй тохиолдолтой олонтоо л таарч явлаа. 

**

Мөөг: "Би зонтиктой адилхан" 

Цэцгэн байцаа: "Би царс модтой төстэй" 

Хушга: "Би хүний тархи шиг" 

Гадил: "Бүгдээрээ өөр юм ярья л даа"...

**

“Анчид гахай гэж андуураад засаг даргыг буудсан байна” гэсэн мэдээний залруулга: “Үнэн хэрэгтээ, засаг даргыг гэж андуураад гахайг буудсан юм байна.” 

**

Согтуу эр нэгэн хүүхнийг тэврэх гэж оролдоод алгадуулав: 

-Өө, эхнэртэйгээ андуурчихлаа 

-Архичин новш оо, зайл! 

-Тээр! Яг л манай эхнэр шиг!

**

-Чи 4 удаа эхнэрээ солисон гэв үү, одоо ч хүүхнүүд их юм шаарддаг маягтай болж дээ 

-Тэд нар биш ээ, манай ээж.

**

Барууныхан Монголыг өвдөглүүлэх гэж хичнээн оролдов. Гэтэл Монгол нь өндийх ч үгүй хэвтээд л байх юм.

**

Сурагчдынхаа “Зуны амралтаа хэрхэн өнгөрүүлсэн нь” сэдэвт зохион бичлэгүүдийг шалгаад багш бүсгүй ихэд уйлав: Хамаг амьдралаа уйтгартай дэмий өнгөрүүлснээ ойлгожээ.

**

Социализмын үед ард түмэн төрөөс хулгай хийдэг байсан. Одоо дарга нар ард түмнээс хулгай хийж амьдарч байна. Тэгэхээр энэ логикоороо бол удахгүй төр нь дарга нараас хулгай хийж эхэлнэ. 

**

-Танай хүүхдүүд яагаад ингэж их бууралтсан байна? 

-Би унтахад нь үлгэрийн оронд үнэнийг ярьж өгдөг юм.

**

Түүхийн хичээлд муу авсан хүүд өвөө нь: 

-Чиний насан дээр би түүх дээр дан онц авдаг байсан 

-Мэдээж шүү дээ, би 50 жилээр илүү урт түүх үзэж байна.

**

“Хүүхнүүд бүгд завхай” гэж боддог нэгэн байхад, “хүүхнүүд бүгд завхай байгаасай” гэж горьддог нэгэн бас байна.

**

Ресторанд тасарч унаад ширээ дэрлээд унтаж буй эрийг зааж нэг зөөгч нь нөгөөдөө: 

-Наадхаа гаргаад хаяаач 

-Яах юм бэ. Сэрээх болгонд тооцоогоо хийгээд байгаа юм. 

**

Залуусаа их баяжих гэж улайрах хэрэггүй... эхнэрийн чинь 2 дахь нөхөр бэлэн юман дээр бууна шүү.

**

Хүмүүс чамайг магтаад л, боодол боодлоор нь мөнгө өгөөд л, үнэтэй бэлэг өгч байвал... яаж ийгээд сэрэхийг бодоорой, ажлаасаа хоцорно шүү.

**

Лифтэнд "Хурдлаарай, яг шээх гээд байна!" гэдэг товчлуур аягүй хэрэгтэй юм шиг ээ.

**

Аливаа юмыг харьцуулж байж л мэднэ. Манай эхнэр ямар ч байсан “Топ 10”-т байгаа.