Сонголт Энхбат Энхбатын тухай мэдээлэл надад үнэндээ хомс. Чөлөөтэй интернет хэрэглэдэг, түгээдэг болсон өнөө үед интернет анх Монголд авчирсан нь ядаад байх юмгүй мэт санагдаж хэн ч хийнэ шдээ, түрүүлээд л хийсэн болохоос гэх хүмүүс олон байгаа ч Анхны ажил гэдэг бол маш хүнд том ажил шүү гэж хэлмээр санагдаж байна. Энэ тал дээр би үнэлж байна. Мөн Идэрээ подкаст болон бусад олон нэвтрүүлэг ярилцлагууд форум гээд яриаг нь олон сонсож байсан. Залууст Оюуны эрч хүч өгдөг, амьдралаа өөдрөгөөр харж зорилт зорилгоо тодорхойлоход том тусалдаг, Боловсролтой мундаг хүн гэдэгт би эргэлзээгүй итгэдэг. Хэдий мөрийн хөтөлбөр нь Ерөнхийлөгч биш харин Боловсрол шинжлэх ухааны сайд байвал илүү тохирох мэт санагдсан ч тэр, нам бус дээр нь эсрэг талаасаа болж юу ч хийж чадалгүй бэлгэ тэмдэг төдийхнөөр 6 жил суудал бөглөсөн ч буухдаа Монголчуудад, улс төрд ямар нэгэн шинэлэг, өөр зүйлийг үлдээгээд бууна гэдэгт би эргэлзээгүй итгэж байна. Гэхдээ ... 2017.06.26-нд ерөнхийлөгчийн сонгууль болж 3 нэр дэвшигчдийн хэн нь ч дийлэнх олонхийн санал аваагүй тул 2017.07.07-ны өдөр Монгол улсын түүхэнд анх удаа ерөнхийлөгчийн сонгуулийн 2-р шатны санал хураалтыг илүү олон санал авсан М.Энхболд болон Х.Баттулга нарын хооронд зохион байгуулж үр дүнд нь Х.Баттулга ерөнхийлөгчөөр сонгогдсон байдаг. Тус 2-р шатны санал хураалтын өмнө тухайн үед Шадар сайд байсан Хүк гэж нөхөр баяр наадмын комиссын хурал дээр буюу 2017.06.29-ний өдөр “Эрлийз морь уралдуулахгүй шүү” гэж санаандгүй ч юм уу? Эсвэл М.Энхболдыг дайруулж хэлсэн ёгт үг байв уу? Түсхийтэл инээд алдаж билээ. Тухайн үед Хүк өөрөө МАН-ын хүн, дээр нь Энхболд, Баярцогт, С.Баяр... гэх мэт маш том бүлэглэл байсан шүү дээ. Тухайн үед хэлсэн тэр үг миний сонголтонд хүчтэй нөлөөлөөд зогсохгүй ард олонд ч их хүрч нөлөөлсөн байх гэж боддог. Энэ үеэс л би Хүкийг бас гайгүй ч юм уу гэсэн нүдээр харж анзаарч эхэлсэн байдаг. Улс төрд бугласан маш том мафийн эсрэг тэмцэл эндээс л эхэлсэн гэж боддог. Мөн маш том цэвэрлэгээний эхлэл ч гэж би хувьдаа боддог. Чухам Хүк-ийн засгийн үед л авилгатай холбоотой, идэж уусан нь бүгдэд илэрхий ч хэн ч яаж ч чаддаггүй байсан Баярцогт... зэрэг нөхдийг ар, араас нь хорьж одоо хэн ч биш болгож чадсан байдаг. Мөн нэлээд хэдэн жилийн өмнөөс цаасан дээр бүх материал бэлэн болсон ч ашиг сонирхлын зөрчилдөөн ихтэй, мөн бүтэлгүйтвэл нэр хүндээ алдах тул хэн ч зориглож шийдэж чаддаггүй байсан “сайжруулсан шахмал түлш”-ний ажлын эрсдэлийг үүрч, зоригтойгоор шийдвэр гаргаж, эрчимтэй эхлүүлсэн хүн бол Хүк. Үр дүнд нь сайн муугаараа одоог хүртэл дуудуулж л байна. Би хувьдаа энэ ажилд нь сайн дүн тавина. Бас нэг тулгамдсан асуудал болоод буй дарханы замын ажлыг эрчтэй эхлүүлсэн ч харамсалтай нь ковидоос болж зогсонги байдалтай байна. Яах аргагүй форс мажор тул ойлгож болох юм. Гэхдээ манайд ойлгох гэж оролдохын оронд амархан мэт сэтгэж харааж загнах нь их юм даа. Хичнээн ч гэлээ олон орд газрын лиценз цуцалж улсад хурааж авсан гэдэг. Булаалгачихаад олон улсад шүүхэд өгөөд сүржигнэсэн газар одоогоор алга. Юу гэсэн үг вэ гэвэл үндсийг нь биш зэрлэгийг нь зулгааж байгаа учир хэл амгүй байна гэж ойлгож байна. ОТ-ын тухай жич бичнэ. Нефть боловсруулах үйлдвэр барих ажил эхлүүлсэн нь сайхан ч бас л харамсалтай юм болж ковидоос болоод гацаж байх шиг байна. Энэ ажлыг хийнэ гэхэд удахгүй бүгд цахилгаан болох гэж байхад тэнэг зүйлд мөнгө үрэх гэлээ гэсэн цөөнгүй хэдэн онолдож шүүмжилдэг боловсролтонгууд байна. Үүнд хувиасаа тайлбар хэлье: Үгүйдээ тэнэгхэн минь, Нефтийг боловсруулаад зөвхөн түлш тос гаргадаг гэж бодож байвал том эндүүрч байна. Нефтээс хий, бензин, дизель, керосин, тос тосолгооны материал, битум, мазут, залуусын хэрэглэдэг бэлгэвчний тос, лааны тос, химийн бодис, хуванцар, эм гэх мэтийг гаргаж авдаг. Ганцхан хуванцраар гэхэд юу бүтээж болдог билээ? Тооны машин, утас, тв, комын дэлгэцийн хүрээ, сандал ширээ, сав удирдлагаас авахуулаад хаа сайгүй хуванцраар хийсэн бүтээгдэхүүнүүд байна. Үндэсний үйлдвэрлэгч хөгжихийн тулд тухайн улсад нь 1-рт түүхий эд, 2-рт түүхий эд боловсруулах үйлдвэр байх хэрэгтэй. Түүхий эдийг боловсруулж чадсан тохиолдолд цаашлаад тухайн түүхий эдээр эцсийн бүтээгдэхүүн хийдэг үйлдвэрүүд аяндаа хөгжинө. Үүнийг л баялагтаа эзэн байна гээд байгаан бол уу гэж би ойлгож байна. Ковид-19 цар тахлын улмаас хөл хорио тогтоож, мөнгө тараасан, ус, цахилгааны үнэ тэглэсэн, банктай тохирч ипотекийн зээл царцаасан, татвар тэглэсэн гэх мэт ажлууд бол зүгээр нэг халамж биш юм аа харин эдийн засгийн дотоод эргэлтийг зогсоохгүйн тулд хийж буй амь тариа юм гэдгийг тэнэгээсээ ч юм уу эсвэл зориудаар ч юм уу ойлгохыг ч хүсэлгүй халамж тараалаа, бэлэнч сэтгэлгээ суулгалаа гэх нөхдүүдийг би болиосой гэж боддог юм. Маш олон улс тэр дундаа зарим нэгнийх нь шүтээд байдаг АНУ хүртэл 2 удаа иргэддээ мөнгө тарааж, янз бүрээр “халамж”-ыг үзүүлснийг боловсрол дэмждэг хэлтэй хүмүүс нь уншиж сонссон л байх гэж найдаж байна. Шведэд гэхэд жишээ нь рестораны ажилчид сөөлжилж ажиллаад, ажиллаагүй үлдсэн хоногийг нь улсаас нь дааж байх жишээний, ажилчид нь 100% биш юмаа гэхэд 90% цалингаа авч байна. – Засгийн газрын хийж буй ажилд би сайн үнэлгээ өгнө. Сүүлийн нэг маш том сэдэв бол ОТ болон Сү.Батболдын тухай. Судлаач Ганхуяг 4 сарын 30 боллоо Сү туучийгийн хэрэг өнгөрлөө, тэгвэл ОТ ч бүрмөсөн bye bye болно үүнийг амжуулахгүй бол ална даа гээд интернетээр дүүрэн сануулаад бархираад л байдаг. Хүк нь ч Оюун-Эрдэнэ ч таг. Энэ Хүк баахан лиценз цуцаллаа Монголдоо авч үлдлээ л гэдэг яг яс юман дээрээ Сү-гийнхээ өөдөөс яаж ч чаддаггүй хүүхэлдэй нь байжээ, харин Оюун-Эрдэнэ нь Хүкийн далбаан дор өсөж торнисон юм чинь адилхан биз гээд урам хугараад байж байтал харин Л.Оюун-Эрдэнэ сайд амжаад Лондонгийн шүүхэд нэхэмжлэлээ гаргасан байдаг. Миний ч итгэл эргэн сэргэж, Судлаач Ганхуяг гуайн ч магнай тэнийсэн байх. Засгийн газрын зарим ажил энгийн компани шиг ил байж болох ч зарим нь нууц, мөн цаагуураа нэг зүйл шийдэх гэж маш олон юм болдог байх гэж бодно. Эцэст нь дүгнэхэд 50 хүртлээ болчимгүй зүйл хийгээгүй, ямар ч алдаа гаргаж байгаагүй эр хүн гэж Монголд байтугай дэлхийд байхгүй байх гэж бодож байна. Гишүүн л болсон хойно алдсан, буруу зүйл хийсэн, хор хутгасан гэх мэт янзан бүрийн хэрэг ил далд хийсэн л байгаа. Мөн Д.Энхбатыг бодвол манай Хүк ч зарим талдаа мудак нь мудак. Гэхдээ улс төр дэх цэвэрлэгээ бүрэн дуусаагүй байна. Монголчуудад одоохондоо зоригтой, тэмцдэг, сайн талд нь зогсож чаддаг тийм хүн хэрэгтэй хэвээрээ байна. Бүрэн цэвэрлэхэд төрийн 3 өндөрлөг бүгд нэгэн зорилготой нэг тал байх хэрэгтэй гэж бодож байна. Иймд би бусад жижиг зүйлсийг орхиод дээр бичсэнгүүдийг дахин нягталж үзээд Хүк-ийг би өөрийн Ерөнхийлөгчөөрөө сонгож байна. Харин 6 жилийн дараа бол Д.Энхбат шиг боловсролтой өөрчлөлт, шинэчлэлт, гэгээрэл, боловсролыг авчрах хүн гарцаагүй хэрэгтэй. Харин тэр болтол Хүк маань цэвэрлэгээгээ дуустал сайн хийгээд байж байна гэдэгт найдаж байна. Гэхдээ Л.Оюун-Эрдэнийн засгийн газрын бүрэлдэхүүн ч бас боловсролтой л хүмүүс харагдсан шүү.

Өвөр монголын жүжигчин Баасан - Би архи уудаггүй,учир нь хүмүүс Чингис хаан архи уусан бна гэж хэлнэ шүү дээ гэсэн байдаг.Монголчууд,ялангуяа удирдагчид ийм жудагтай байгаасай.

Чавганц нар уралдахаас хойш...аль нь ч хэрэггүй

Эрдэнэ ялна

Энхбат чадчаасай.. эргүү фанатуул нь үхлээ зүгээр. Дараа нь хараагаад салахгүй.

tasarchai , Enchbat chadna!!!