-Нэр?
-Г-г-ганбат
-Ээрүү юм уу?
-Үгүй. Аав ээрүү байсан юм, харин төрсний гэрчилгээ бичсэн бүртгэгч тэнэг байсан юм.


Хүү нь аавдаа:
-Hэг хаард-диск оллоо, НОМ гэдэг. Дээр нь ШаВар гурван цэрэг гэнэ үү, нэг суга юм байна. Устгаад комикс суулгачихъя гэсэн чинь USB порт нь олдохгүй юм, та олоод өгөөч?
***

Экс найз охин нь асууж байна:
-Чи намайг хааяа ч гэсэн санадаг уу?
-Аанхан... Шархадны тэрүүгээр явахаар яагаад ч юм чамайг дурсдаг юм...


Зар:
Нийтэч, царайлаг эмэгтэй, үнэ тохирч, таныг найз хүүхнүүд, болон таньдаг бүсгүйчүүддээ сонирхлыг нь татахуйцаар магтаж өгнө.


Спам и-мэйлд итгээд 50-хан доллар гэхээр нь эрхтэн томруулдаг хэрэгсэл захиалсан чинь новшнууд чинь томруулдаг шил явуулчихаж.


“Нэг хоногийн нөхөр” гэдэг үйлчилгээ гэсэн зар байхаар нь дуудлага өгтөл нэг эр хүрч ирээд эвдэрсэн, санжиганасан бүхнийг засаж, хананд юм тогтоож өгөөд, хөргөгч хоослоод, хөршийн эхнэрийг амжуулчихаад, орой нь архидаж агсам тавиад цаг нь дууссан.


-Эхнээр, манайд чинь амттайхан юм юу байна?
-Хамгийн амттай нь би л байна даа! - гэж эхнэр нь аальгүйтэн хэлэхэд, нөхөр нь:
-Аан... Өөх, тостой юм надад зохихгүй байгаа...


Гэртээ сайхан стейк шарж иддэг юм бил үү, эсвэл тэр мөнгөөрөө ресторан орж ганц байхуу цай авч уудаг юм бил үү?


Яг сайхан зүүрмэглэтэл хананы цаана хөршийн ор чахарж эхлээд сэрээчихэв. Гэхдээ ердөө л 20 секунд болоод таг боллоо. Болж, муу хог!


5 минут инээх нь 1 халбага цөцгий идсэнтэй дүйцнэ гэж уншлаа. Банш идэхдээ инээх хэрэгтэй юм байна шүү.


Талх чинь унахдаа масло нь доошоо харж унасан бол бүү хямар, хэн нэгнийх маргарин нь доошоо харж унаж байгаа.


Эмэгтэй хүн залхуу бол ажилсаг эртэй,
Ааштай бол өгөөмөр эртэй,
Ажилсаг бол арчаагүй эртэй суух магадлалтай тул...
охиноо ямар хүн болгож өсгөхөө сайн бодож байж шийдээрэй.


Секс хийхдээ ханиадтай байгаа нь доороо орох ёстой юм байна лээ шүү.
(Хувилбар 2: Өвлийн сексийн дүрэм – нус нь гоожиж байгаа нь доороо орно.)


Ажил тарахын алдад угаасаа уух нь тодорхой сууж байтал хэн нэг нь “Өнөдөөр чинь Walt Disney-гийн төрсөн өдөр юм байна шүү дээ” гээд нэг шалтаг бас гаргаад ирдэг байна шүү.


Ажил тарахын өмнөх 1 цаг бол бяцхан баасан гариг юм.


Нөхөр маань өнөө шөнө миний хүссэн бүхнийг хийж жаргаана гэнэ ээ. Хурдан шөнө болоосой. Дуслаад жил болж байгаа крантаа янзлуулчих юмсан!


Тэрээр маш их юм уншсан мэдлэгтэй нэгэн. Учир нь түүний өтгөн байнга хатдаг байсан юм.


-Сайн байна уу? Танайхаас магадлагаа авах ёстой гэсэн магадлагаа авчирлаа…
-Ийм тохиолдолд манайх магадлагаа өгдөггүй гэсэн магадлагаа гаргаж өгье


Орчин үед соёлтой зан ховордож, найрсаг үг хэлсэн нэгнийг сээтэн хаялаа гэж хүлээж авдаг болж.


Багад минь намайг сандал дээр зогсоогоод шүлэг уншуулдаг байлаа. Сайн уншвал чихэр өгнө, муу уншвал сандлын хөлийг хуга өшиглөнө.


Нэгэнт л нийгмийн халамж, тэтгэвэрээ нэмж чадахгүй юм бол ядаж хогийн сав чөлөөтэй ухах эрхтэй болмоор байна, ад үзэгдээд хэцүү байна.


Нэг эр гуниглан пиво сорно. Бармен:
-Та яагаад гуниглаа вэ? Эхнэртэйгээ муудаалцаад, надтай 1 сар дугарахгүй гэсэн
-Харин ч баярлах ёстой биш үү?
-Өнөөдөр тэр сарынх нь сүүлчийн өдөр...


Үнэнч эр хүн гэж: 3 дахь эхнэрээ сольсон ч нууц амраг нь хэвээрээ хүнийг хэлнэ


Тэр бүр ясны наймаачин: эхнэртэйгээ булган шууб авах гэж дэлгүүр ороод, савхин бээлий л авч өгчихөөд гараад ирсэн шүү.


-Эхнэр авах уу, мууртай болох уу?
-Мэдээж муур! Муур хэзээ ч чамайг шөнө юм идлээ гэж аашлахгүй, харин ч бүр хамт идэлцэнэ.


"Сармагчин хүнээс юугаараа ялгаатай вэ? Сармагчин архи нэг амссан бол дахиж хэзээ ч уухгүй" (Чарльз Дарвин)


Кофе их буянтай ундаа. "Хамт кофе ууя" гэсэн үгний ачаар хичнээн хүүхэд төрсөн гэж санана?


Дараа жил аргын тооллын 3-р сарын 8 нь Билгийн тооллоор эрэгтэйчүүдийн баярын өдөртэй давхцах юм байна шүү.


Өчигдөр iQ тест бөглөсөн юм: Ямар ч байсан iQ байх нь байна гэсэн хариу гарсан байна лээ.


“Өчигдөр дэлгүүрт хамт явж байгаад харсан алтан бөгжийг чи надад бэлэглэж байна гэж зүүдэллээ, тэр ямар учиртай юм бол?” гэж эхнэр нь өглөө сэрэнгүүтээ хэлэхийг сонссон нөхөр нь орой бэлэг авч ирэв. Эхнэр нь уулга алдан баярлаж, яаран задалтал: "Зүүдний тайлал" гэсэн ном байж гэнэ.


Говьд төөрч үхдэгийн даваан дээр цаа буга унасан цаатан эртэй таарсан эр:
-Ашгүй тантай таарлаа, төөрөөд баларч явна!
-Чиний төөрөх ч гайгүй байна аа!


Мартын 8-ны орой диско баарны үүдэн зарлал: "Мартын 8! Эмэгтэйчүүд үнэгүй"


Бааранд нэг эр архи захиалж авснаа тэрийгээ буцааж, оронд нь виски авч уув. Зөөгч:
-Вискиний мөнгөө?
-Оронд нь би архи өгөө биз дээ!
-Та архины мөнгөө төлөөгүй!
-Архи уугаагүй шүү би!


Зар:
Tуршлагатай хувийн мөрдөгч, таны нөхөр сүүлийн үед яагаад аз жаргалтай болоод байгааг найдвартай тогтоож өгнө.


Бүсгүй минь, эр хүн чинь танд юу ч бэлэглэхээ байж, оймсоо талын нэг тарааж, телевизийн өмнө пиво уугаад л сууж байдаг болсон бол бухимдах хэрэггүй: тэр тантай байхдаа л хамгийн аз жаргалтай байна гэсэн үг.


Сүүлийн үед эрчүүдийн чалх ерөнхийдөө буурсантай холбогдуулж бүсгүйчүүдийг гурван минутаас удаан эсэргүүцэхгүй байхыг ЭМЯ-аас албан ёсоор хүссэн байна.


Зурвас:
"Хоолоо угааж индүүдсэн, цагаан хэрэглэлээ хооллосон, хүүхдүүдээ чанасан. Мартын 8-ны мэнд! Хайрт нөхөр чинь"