Тэмцэе тэмцэе тэмцэе.  Ингээд орилоод үз юу ч бодолгүйгээр. Юутай яаж тэмцэх гэж байгаа чинь тодорхой биш ч цус чинь оргилж өөртөө итгэлтэй болж буруу юм их байгаа түүнийг засах ганц хүн нь та өөрөө мэт болж ирнэ.

За ямар нэг юм эсэргүүцэхгүй бол энэ нийгэмд хэнч биш боллоо шүү. Эсэргүүцсэн болгон од болж их хурлын гишүүн болох ч хэмжээнд хүрлээ шүү. Тэхээр эсэгүүцэе. Одоо уул уурхай бол эсэргүүцэгчид битүү чихэлдцэн би эсэргүүцэе гэхэд шууд зодоод хөөж гаргахаар болчиж. Чи миний хоолноос булаацалддаг хэнб гээд. Улс төрчдийг эсэргүүцэгчид бол ард нийтээрээ моод болсон. Тэр тэнэгээ, энэ тэнэгээ, тэр тэвэг тоголдог, энэ дуулдаг, сур харвадаг, бидаан тараадаг гээд ямар ч нэмэргүй болсон. Улс төрчдийг эсэргүүцнэ гэдэг бол хамгийн уйтгартай ажил  болж хувирчээ. Оркуудыг эсэргүүцхээр оркууд нь хамгийн эхэнд хотых болоод дүрээ хувиргаад нэг л эсэргүүцлийн хүч муу байна. Одоо энэ Мүүн бол дээд хэмжээнд хүрлээ. Энд зай олход хэцүү. Боловсролын яам хамгийн эхний хохирогч болж дараа цаашаа яаж гинжин урвалаар хөврөхийг таашгүй.

Одоо хамгийн эсэргүүцэх боломжтой галбаал шинж чанартай зүйл бол АСЕМ гэж нэг юм болхын байна. Би сайн мэдэхгүй миний ойлгосноор гадаадын улс төрчид ирж энд нэг хуралд суух юмуу даа. За энийг эсэргүүцхэд Нэгдүгээрт олон улсын хурал эсэргүүцдэг том гар болж харагдана. Хоёрдугаарт зөвхөн монгол биш дэлхийн хэмжээний эсэргүүцэгч болж буйн дохио ч байж мэдхийн. Гуравдугаарт ийм юм эсэргүүцэж байгаам чинь гадаад хэл мэддэг байж таараа гэж бодно. Дөрөвдүгээрт АСЕМ гэж юу болох тухай одоогоор хэнч мэдэхгүй болхоор бүгд айхтар хар мангас юм байна гээд дэмжинэ. Воо энэ чинь жинхэнэ эсэргүүцэх обект байна.

За эсэргүүцэхдээ захидал бичих биенд амар маш шилдэг арга байж билээ. Энэ мундаг аргыг сая нэг өвгөн найрагч өвгөн гэлтгүй маш сэрэглэн зан гаргаад эсэргүүцэж орхилоо. Захидал бол өөрөө бичээл хэвлэл тараачдаг сайхан тэмцэл. Заавал эзэнийх нь хаягыг олоол шууданд өгөөд байх албагүй. 250 орноос хүн ирнэ түгжирч магад амралтаа зохицуулаарай гэснийг ард түмнээсээ ичлээ гээл захидал бичиж болжээшд. Асуудал бол юу ч байж болно учир нь хариу захидал хэзээ ч ирэхгүй тул. АСЕМ нэрийн доор аймаар том хуйвалдаан байна гэсэн ч болно. Хэн ч юу хуйвалдсын хэн хэн хуйвалдсын гэж асуухгүй. Зүгээр л лалрууд юм даа гээд толгой сэгсрэн дараагын тэмцэлд чинь хань болох нь гарцаагүй. Энэ чинь монгол хүний нэрэлхүү зан. Асуухаар юу ч мэдэхгүй мал харагдана тэхээр мэддийм шиг дэмжээл эсэргүүцчихэе гэсэн.

Дараагых нь халз мэтгэлццээн байна. АСЕМ дээр одоогоор халз мэтгэлцээнд дуудсан хүн алга. Учир нь сүртэй дуудчихад дуудуулсан хүн хэзээ ч ирж мэтгэлцдэгүй таг алга болж ялагдсан байдалтай байдаг тул их сайхан арга. Одоо АСЕМ дээр халз мэтгэлцээнд дуудаж болжээн. АСЕМ монголд хэрэгтэй юу. АСЕМ хийх мөнгөөрөө талх авбал дээр бишүү гэх мэт сүрлэг асуудал дэвшүүлхэд ард түмэнд таалагдаад зогсохгүй ялах магадлал өндөр. Учир нь хүмүүс АСЕМ-ын талаар над шиг нээх мэдэхгүй байгаа тул мэддэгээрээ талхны талд л дэмжлэг үзүүлнэ.  За тэгээд мэтгэлцээнд ирсэн ч гэсэн ард түмэн өлсөглөн байна гээл орилоод байхад ялчихна. Мөнхийн поп сэдвийг хэн ч барахгүй шүү дээ

Тэгээд АСЕМ-ыг эсэргүүцэж тэмцлийн хурц хэлбэр болох жагсаал хийж болно. Жагсаал ч бас ялах магадлалтай. Ганц нэг удаа хариуу жагсаал хийж байсанаас жагсаалчид дандаа ялдаг. АСЕМ хийе гэж дэмжиж жагсах хүн байхгүй тул АСЕМ бол гадныхан монголын мөнгөөр хуралдах нь тэдний улс төрчид юу юм бэ гээд жагсаал хийхэд бас л зуун хувь ялна.

За тэгээд тэмцэл их шургуу инновацид орж галаар шатаах, үсээ хусах, хөхөө огтлох гээд их хөгжиж байгаа тул тэр болгоныг хэрэглэн эсэргүүцэж болно. Саяхан л гэхэд нэг нөхөр намын даргадаа хайртайгаа илэрхийлж хэвлэлийн хурал дээр уйллаа. Одоо ард түмэндээ хайртайгаа илэрхийлж уйлах, ташуурдах, хоолойгоо огтлох (арай үххээргүй шүү) гээд аргууд нээлттэй байна даа.  Ер нь их сайхан тэмцхэд тулхтай сайхан сэдэв байшүү цаана чинь

Тэмцэе тэмцэе тэмцэе.