-Чамд Цэцгийн долоо ноогдлоо.

-Юу? Би өөр хөзөр авах сонголт байхгүй юу?

-Хэхэ сонголтоор яадаг байнаа. ...за яахуу сонго л доо, чамд сонголт өгье. Эхэллээ шүү анхаараарай. Хөзөр нь дотроо хоёр янз. Улаан, хар. Алийг нь сонгохын?

-Улаан!

-Баярлалаа, таны сонгосноор улааныг хаялаа. Улаан нь дотроо…

-Гүэ би уг нь улааныг авна гэж бодсон шд.

-Би чамд сонголт өгсөн. Харин чи надад ядаж авах гээхийн сонголт үлдээхгүй юм уу?

-За бас тийм юм байнаа.

-Заа наашаа хараарай. Хар нь дотроо хоёр янз. Гил, Цэцэг. Алийг нь авах уу?

-....ннн Цэцэг!

-За баярлалаа. Таны сонгосноор цэцгийг бид авлаа.

-Хүүе хая л даа.

-Түрүүн хаясан бол одоо авна. Өдөр шөнө, өндөр нам, АН МАН, Ариунаа Сараа гээд бүх л зүйл ээлжилдэг хорвоо шүү дээ.

-Заа за (санаа алдав).

-За их баярлалаа. Дараагийн сонголтдоо орцгооё. Цэцэг нь дотроо хоёр янз. Тоо хөзөр, хүнтэй хөзөр гэж. Алийг нь авах вэ?

-Тоо!

-Баярлалаа, тоог бид авлаа.

-Ахиад авчихаж байгаамуу? Ээлжлэнэ гэсэн чинь яасан бэ?!

-Ээлжилдэг учир байнаа л гэсэн болохоос ээлжлэнэ гээгүй шүү дээ. АН АН, МАН МАН гэж дараалах үе ч байна шүү дээ.

-Заа… (дуу нь цаашаа оров). Гэхдээ… та надад сонголт өгсөн ч гэсэн, нэг л юм болохгүй санагдаад байхын.

-Тэгдиймаа миний дөө, битий санаа зов. Болохгүй юм шиг санагдаж байгаа бүхэн чинь цаанаа болоо л байдийн. Ким Кардашианыг хар л даа. Дан бөгс ямар сайхан амьдарч байна? Манай улстөрчдийг хар, дан түрийвчнүүд шүү дээ. Сайхан амьдрахад битгий хэл та нарыг удирдахад ч толгой тархины хэрэггүй л байгаа биз дээ?

-(нүдээ эргэлдүүлэв)

-Ойлгов уу?

-(нүдээ хурдан эргэлдүүлэв)

-За баярлалаа. Цаашаа явы. Тоо хөзөр нь дотроо хоёр янз. Наймаас дээш, наймаас доош. Алийг нь авах вэ? Сонголтоо хийгээрэй.

-Най най наймаас дээшийг нь… авья!

-Өө тэг тэг май

-Надаа өгч байгаамуу?

-Чи өөрөө л авья гэсэн шүү дээ. Май ав л даа. ..За ингээд наймааас доош хөзрүүд нь  надад үлдлээ. Наймаас дооших хөзрүүд нь дотроо хоёр янз. 6-аас дээш, 6-аас доош…

-Би наймаас дээшихийг авья гэсэн шдээ.

-Гэхдээ би чамд үйлчилгээ хүргэж байгаа билүү, чи надаа юу?

-Та...

-Тэгвэл миний гарт байгаа хөзрөөс танд сонголт хийлгэнэ, зөв үү?

-Зөвөө… (Хэнгэнэтэл санаа алдав)

-Заа баярлалаа, таны сонголтоо хийхийг хүлээж байна

-Зургаагаас доошихийг нь таны гарт үлдээе.

-Бололгүй яахав, аль гарт үлдээмээр байна.

-Зүүн… бишээ баруун!

-Таны хүсэлтийг ёсоор болгож баруун гартаа зургаагаас доошихыг үлдээлээ. Заа одоо хоюулаа миний зүүн гарт байгаа зургаагаас дээших хөзрөөс сонголт хийе.

-Боль муу хувалз минь! Чи намайг хуураад байна. Ална даа.

-Би хуурлаа гэж үү? Төмс ногоог л хайруулын таваг дээр хуурдаг болохоос…

-Чи муу намайг залилаад байна!

-Байзаарай, яаж би таныг залилав?

-Би таны гарт зургаагаас доош хөзөр үлдээсэн.

-Тэгэлгүй яахав, баруун гарт үлдээсэн. Харин би зүүн гарынхаа хөзрөөр тоглож байна. Энд юу нь буруу байна? Хаана буруутгасан хууль байна?

-.....

-Алив хариулаач.

-Тиймээ… таны зөв юм байна. Та намайг залилаагүй юм байна.

-Баярлалаа. Энэ хөзөр нь дотроо хоёр янз. Цэцгийн зургаа, цэцгийн долоо…

-Би тэгвэл наад Цэцгийн долоог чинь яасан ч авахгүй!! Би Цэцгийн зургааг авна мэдэв үү!!! Би сонголтоо хийчихлээ. Одоо чи яах юм?

-Тэгэлгүй яахав, таны тааллаар л болно. Май энэ цэцгийн зургааг ав. Харин надад танд өгөх цэцгийн долоо ийнхүү үлдлээ. Ёс төртэйгээр хүлээн авна уу цин ций рин цин цинннн…!

-Ааааааааа!!!

-Хүүе та тайвшир. Эсвэл сүүлийн үйлдлээ буцаахыг хүсч байна уу?

-Болох юм уу, тэгье буцаая!

-Буцаагдлаа.

-Би цэцгийн долоог авья. Тэгээд танд үлдсэн цэцгийн зургаагаа...

-Заа миний ард түмэн бүгдээрээ харлаа. Энэ хүн ийнхүү Цэцгийн долоо хөзрийг өөрөө сонгож авлаа…Баяр хүргэе

-Наад цэцгийн зургаагааа өгөөчээээаааааааооооо!!!!!!!

-Анхны тохироогоо санана уу? Би танд сонголт өгсөн шиг та ч надад сонголт өгсөн шүү дээ. Ингээд би гартаа байгаа хөзрөө яахыг зүй ёсоор өөрөө сонгож байна. Зөвүү хүн минь?

-ннннххх…… зөвөө зөв. Та бүхнийг зөв хийлээ.

-Одоо таны сүүлчийн сонголт. Та өөрөө сонгож авсан цэцгийн долоогоо авах уу, эсвэл юу ч гүй хоосон хоцрох уу?

-...авья аа….

-За халуун баяр хүргэе. Энэ хүн өөрийн сонголтдоо ямар их итгэлтэй, сэтгэл дүүрэн байгааг та бид харж байнаа… за дараагийнх нь ороорой!

 

ps:

http://311.mn/posts/post/1116 Энд дарж ороод сонирхолтой уралдааны тухай уншаарай :)