1. Танд баах, усанд орох хоёр шаардлага зэрэгцлээ гэхэд эхлээд алийг нь хийгээд дараа нь алийг нь хийх вэ?

Өө энэ жишээ тийм ч оновчтой болсонгүй ккк. Тэгвэл гаднаас орж ирэнгүүтээ хог асгах хэрэг гарвал дараа нь гараа угаах уу эсвэл угаачаад хогоо асгаад дараа нь...  Энэ хэтэрхий сунжирсан жишээ болох шинжтэй болчлоо, болихоос.

Би тэнэгүүдийн хот гэдэг бяцхан зохион бичлэг бичих гээ л ядаад байна. Тэгсэн чинь жишээ олдодгүй. Ер нь миний тэнэгүүдийн хот бол аз жаргалтай хүмүүсээр дүүрсэн өнгө будгийн сайхан орон байх юм. Бүх байшингийнхаа гадаа савлууртай, энд тэндгүй тамхины цэгтэй.  Хүмүүс нь санаа зовох юмгүй, дандаа инээж явдаг. Зүйрлэвэл барилгын төмөр толгой дээр нь унаад золоор амьд гарсан оршин суугчид шиг, гэхдээ зомбинуудаас арай өөр.

Ура, би яг саяны өгүүлбэрийг бичиж байхдаа таарсан жишээ олчлоо. Миний олсон жишээ: Та хотын дарга байжээ гэж боды. Танд зам тавих ба замын доогуурх суваг хоолой засах хэрэг  зэрэг гарлаа гэхэд алийг нь эхэлж хийх вэ? А. Замаа тавиад, дараа нь ухаад хоолойгоо янзлаад буцаагаад замаа тавина. Е. Хоолойгоо янзлаад дараа нь замаа тавина.

Хэрэв та А хувилбарыг сонгосон бол ёстой тэнэгүүдийн хотын иргэн мөн. Харин Е хувилбар сонгосон бол манай хотод амьдрахад тэнцэхээргүй хэтэрхий сагсуу юм. Тэр уйтгартай хот руугаа яв.  (Ингэхэд үсгийн дараалал А, Е гээд явдаг зөв үү? Буруу бол хэлээрэй, би утсан дээрээ байнга байж байна)

Гэтэл!!! Зам тавьдаг хүмүүс нь хоолой засдаг хүмүүстэйгээ яриад эхлээд хоолойгоо засах гээд байвал яах вэ? Би лав тэнэгүүдийн хотын дарга байсан бол тэднийг хооронд нь яриулахгүй саад хийж байгаад эхлээд замы нь тавиулж орхино кя кя кя. Тэгээ л дараа нь тавьсан замы нь эвдлүүлээд ухуулна даа ваахахаха.  Тэнэгүүдийн хот мандтугай.

2. Бас манай тэнэгүүдийн хотын удирдлагууд өөрсдөө хамгийн үлгэр жишээ тэнэг байвал ёстой амттай явдал болно.  Жишээ нь газар ухна гэж гарсан ч гэсэн хамраа ухчаа л ороод ирдэг. Аа энэ худлаа жишээ болсы шүү, шал худлаа ккк.

Өөр жишээ авья, ээж аав хоёр нь бие биенээ хачин харангуутаа хүүхдээ “за гадаа юу юу байгааг хэлээд байгаарай” гээд  болкоон дээрээ гаргаад... аа уучлаарай жишээ гээд дээр үеийн онигоо ярьчлаа.

Би ёстой жишээний гачаалд оржийноо.  За яахуу нэг жишээ хэлээд үзий, болох нь уу гүй юу. Жишээ нь: Тэнэгүүдийн хотын удирдах хурлынхан Бразил явж хөлбөмбөг үзмээр санагдлаа гэж боды. Тэгэнгүүт “хэдүүлээ иргэдэд туршлага судална гээд хэлчихье кя кя кя” гэж шивнэлдэн, тохойгоороо нудралцаад бүтэн өдрийг инээдээ барьж ядан өнгөрүүлнэ.
 
-Юуны туршлага гэхийм бэ?

-Яаж хурал хийдэг туршлага л байхгүй юу ваахахаха....

-Ваахахаха ваахаха ваахаха....

Ингээд тэд архи пиав тулгаж, бие биенийхээ нүдий нь тэс цохиж, шүдий нь цөм дэлсэж, эмэгтэйчүүдээ базаж орилуулаа л ёстой нэг тэнэгүүдийн үдэшлэг хийсэн болов уу. Өө би одоо зүгээр жишээ авжээж жинхэнэ болсон явдал шиг юм ярьцан авчийнэ. Хэрэв ямар нэг болсон явдалтай таараад байгаа бол энэ цэвэр тохиолдол шүү уншигчид минь.

3. Манай тэнэгүүдийн хотын дарга нар юмыг энгийн сайхнаар шийдэж болохгүй. Тэгүүл жирийн хот болж хувираад амьдрахад ямар ч кайфгүй болчно. Жишээ нь бороотой өдөр зоонтог барихыг хориглох гэх мэт.

Энэ ёстой утгагүй, ямар ч чадваргүй хөгийн  жишээ боллоо тээ. (аа яа яа жишээ жишээ, жишээ чи хаа байна?!).

Эсвэл гуанзанд нь шөл өгөнгүүтээ сэрээ өгдөг, будаатай хуургыг лонхонд хийж үйлчилдэг. Аа заза, би дөнгөж сая гоё жишээ олчих шиг боллоо: Тэнэгүүдийн хотод тамхи татахыг зөвшөрөнгүүтээ тамхины цэг байгуулдаггүй!

Хаха ёстой хөөрхөн жишээ олцы шүү. Дарга нар ингэж ярина.

-За би хотын иргэддээ тамхи татахыг зөвшөөрсөн.

-Таны өгөөмөр сэтгэлд талархая.

-Дотор, гадаа хоёроос бусад газар татаарай.

-Гүэ даргаа... L

-Ваахахахаха...

Ингээд энэ хуулийг санаачилсан бүр тэнэгүүдийн орны дарга гишүүн маань инээдээ барьж дийлкүү гурван өдөр хөхөрч унасан гэнэ. Тэгээд  тэнэгүүдийн орны иргэд гомдож, өвчинд ороогдоод ирсэнд хотын дарга “заза тамхины цэг байгуулж өхөөс” гэж.

-Манай хотын иргэд  ээ, та нарт зориулаад  тамхины 150 цэгийг 300 сая төгрөгөөр байгуулах гэж байнаа!

Иргэд алга нижигнүүлэн ташив.

-Нэг цэг нь 2 сая төгрөг юм уу? гэж олны дундаас өрөвдөлтөй дуу гарав.

-Тийм ээ, энэ бол гантиг суурьтай, алтадсан хятад шаазан үнсний сав юм шүү дээ. Харин ч хоёр сая төгрөг багадаад байна (гэнгүүтээ дарга нар бие биен рүүгээ нүд ирмэж, эрхий хуруугаа гозойлгосноо, ширээн доогуураа өшиглөлцөж бөөн баяр болно)

-Яасан иргэд минь? Бүжиглэхгүй юм уу?

Ингээд хутга тавилгүй мах идэж хундага мундага яасан гээд бөөн баяр долоо хоног үргэлжлэх нь байна.

4. Энийг дараа бичий. Үргэлжлэл байгаа гээд бодчих.