АЗГҮЙ СУУТНУУД
АДЛАГДСАН, МАРТАГДСАН, МАДЛАГДСАН


Суутнууд болгон алдаршиж, баяжаад байдаггүй, харин ч хүмүүст адлагдан ганцаардмал ядуу амьдрал дунд хорвоог орхисон нь цөөнгүй. Зарим шинэ нээлт, гайхалтай уран бүтээлүүд цаг хугацаа, орон зайгаа олоогүйгээс үнэлэгдэлгүй гээгдэж, ойлгогдолгүй мартагдан нээлт хийгсэд нь өөрсдөө биш ухаалаг өрсөлдөгчид нь тухайн уран бүтээл, шинэ санаанаас асар их ашиг олсон тохиолдол цөөнгүй байдаг.

Энэ номонд хийсэн бүтээснийхээ үр дүнг хүртэж чадаагүй авьяастнууд, зоримог хэдий ч зорьсондоо хүрч чадаагүй азгүй суутнуудын тухай өгүүлнэ.

Та энэ номноос, их бага ямар нэгэн хэмжээгээр олны танил байсан тэр хүмүүсийн сэтгэл татам хирнээ ихэнхдээ эмгэнэлт хувь тавилангуудыг олж мэднэ. Эдгээр хүмүүсийн бүтээлч амжилтуудгүйгээр өнөөдрийн бидний өдөр тутмын амьдралд олон  зүйл дутах байсан.

Энэхүү шинэ ном маань таныг уйдаахгүй гэдэгт итгэж байна.


НЭПКО хэвлэлийн газар