Нэпко хэвлэлийн газар эрхэм хүндэт уншигч та бүхнийг 2014 оны 1 дүгээр сарын 13-15-ны хооронд СENTRAL TOWER-ийн хоёрдугаар давхарт зохион байгуулагдах ТААШААХ УРЛАГ TASCHEN гадаад номын үзэсгэлэн худалдаанд хүрэлцэн ирж, дэлхийн ном хэвлэлийн зах зээлд тэргүүлэгч Taschen-ий гайхамшигт номуудыг таашаан сонирхохыг урьж байна. Германы Taschen брэндийн  онцлог нь этгээд атлаа донжтой зохиомж, загварын өвөрмөц шийдэл, гайхалтай зураг чимэглэл байдаг. Тус компанийн урлаг, уран баримал, уран зураг, гэрэл зураг, загвар, кино урлагийн сэдэвтэй номууд дэлхий даяар алдартай. Бид Taschen-ий хамгийн сүүлийн үеийн шилдэг бүтээлүүдийг монгол уншигчдадаа танилцуулах гэж байгаадаа туйлын баяртай байгаа бөгөөд тус үзэсгэлэн худалдаа нь Монголын номын ертөнцөд нэгэн содон үйл явдал болно гэдэгт гүнээ найдаж байна. Мэргэн уншигч та бүхний оюун, мэлмий баясаж, номын цагаан буян дэлгэрэх болтугай!!!