Энэ засгийн хүйтнийг... юу энэ гадааны хүйтнийг засгийн юунд нь өгөөд...Өө энэ одоо байтлаасаа эфээмийн хөтлөгч шиг хөглөх нээ. Тархи царццым шиг байна. Цайнаасаа ганц балгаадхая.

Гадаа чинь одоо л тасхийх нь. Ёнсэгоос 1-р төрөх хүртэл зуугаад мэтр замыг туулахад гушуу бүрэн хөлджийшд. Болдгүй бор өвгөний хэрээ шиг модон гушуутай байвал хүйтнийг мэдрэхгүй хэчнээн сайхан байхав гэсэн бодол өөрийн эрхгүй төрлөө. Эфээмийн хөтлөгч нар ч гэсэн ярихыг хичээх гэж тарчлахгүй хэчнээн амар болох вэ.  Гаргасан нүхээр нь хоол цай оруулаа л өөр үүрэггүй тийм гушууг олноор үйлдвэрлэх шаардлага гарах шиг боллоо. Хэдэн эфээмд хэчнээн хөтлөгч ажиллаж байна? Модон эдлэлийн бизнесийнхээн!

Нээрээ энэ хүйтэн чинь одоо л алах нь. Засгийн газарт хүйтнээ болиоч! гэсэн шаардлага хүргүүлмээр байна.Сү муу ажиллаж байна ш дээ хараач. Хүйтнээ болиул, эсвэл огцор, эсвэл цалин нэм, эсвэл нэг юу ч хамаагүй нэг юм өг! гэж жагсы л даа жагсаалын бизнесийнхээн!

Гэтэл хотын дарга эрвийх дэрвийхээрээ ажиллаж байна. Тэр талбай дээр барьж байгаа ёолкы нь хар. Төмөр каркаасаа ганцхан сарын дотор босгож аваа л одоо ногоон юмаар яралзтал бүрж эхлээд дөнгөж долоохон хоноод байна. Одоо оройных нь хэсэг л төмрөөрөө үлдсэн байна лээ. Тэрийг ирэх долоо хоногийн сүүлч гэхэд бүрэн бүрж амжхаар харагдаж байгаа. Хүйтэнд хүмүүс нь царцчаад, гар нь гацчаад байхад ямар тэвчээртэй ажиллаж байна вэ! Харин хувийн кампаанууд үүднийхээ ёолкыг гадаадынхнаар бариулаад байнуу яагаад байна, өдөр өдөртөө босгоод авах нь сэжигтэй. Үүнийг шалгана гэж магадгүй шүү. ТВ ес мөсийн бизнесчдээ, ганцаарангий нь шалгуулж онигоо болохгүйм байгаа биз дээ.
Хүйтэнд нохойнууд даарч байна. Булан газар хушуугаа цавиндаа шургуулчаад цагираглаад хэвтээд байна. Хүн хажуугаар нь явахаар өрөөсөн нүдээрээ хялайгаад дагуулж хараад байна. Харин би гоёмсог захтай польтооны бизнес эхлүүлмээр байна. Захиалагчаараа нохойныхоо өнгийг сонгууллаа, нохойгоо дагалаа, нохой цагиргаллаа, буудлаа, тэр хэвээр нь өргөлөө, захиалагчийнхаа толгойд углаад өглөө, мөнгөө авлаа, гар барилаа, баяртай, за дараагийх нь! Ийм л амархан бизнес надаа байна, энэ санаагаа зарнаа. Зарсан мөнгөөрөө шинэ жил тэмдэглэнэ, шилэн бүрээ үлээнэ, ширээн дээрээ бүжиглэнэ.