Шинэ жил арай гэж өнгөрч байх шиг байна. Хорин хэдэнд ажлын шинэ жил болоод өнгөрвүү гүү юу цагаан сарын наастр орчихымаа. Хүмүүс яаж ингэж шинэ жилийхээ наастартай он гартал явдаг байнаа. Батерай сайн барьдаг утас шиг хүмүүс байхымаа. Тэхэд би яажээн ажлын шинэ жилээс өөр ёоолк ч байх биш дуусвуу гүү юу үргэлжлээд өөр баярын наастр орхын. Сүлжээ сайтай утас шиг л хүн байна. Шинэ жилийг тэгээд их ч өргөн тэмдэглэх болж. Бүгд хөөрч хөрцөглөөд гадуур дотуур яваад нэг л их хамаг мөнгөөрөө шинэ жилдээд нэг л их  хөөрч баярласан улс. Юу гэж боддын баяр гэж боддымуу хаашаан.

Хаа сайгүй оны шилдэгүүдийг тодруулаад байхын. Энэ олон хүн оны шилдэг тодруулж байхад би бол илүүц бизээ. Зүгээр оны шилдэгүүдийнхээ тухай ярилцы гэж бодсон юм.  Тэрнээс биш оны шилдэг авчаад тасраад нүдээ хаячаад тэрийгээ хайж байгаад олсон юм байна гэж бодоод байваа гарчиг харчаад.

Тухайлуул "Монгол" дээд сургууль, Монголын эрдэм дэлгэрүүлэх нийгэмлэг, Монголын үндэсний үйлдвэрлэгчдийн холбоо, Монголын тул хамгаалах нийгэмлэг хамтран Сангын сайдыг маань оны шилдэг эдийн засагч болжээ. Үүнийг тодруулах нь би зөв гэж бодож байгаа юм. Сангын сайдаас өөр хүн байсан бол түүнээс ч их зөрүүтэй төсөв батлуулчихаж болышд. Зарлага  нь орлогоосоо хамаагүй зөрүүтэй юм батлуулцан бол яахын энэ чинь. Өмнөх оныхтойгоо харьцуулхад их болхоос бас гайгүй батлуулсан ч юм билүү. Тэгээд ч ирээдүйгээс мөнгө зээлж чадах өөр хэн байх билээ. Бүүр муйхарлавал ийм орлогоосоо хамаагүй илүү зөрөөтэй төсөв бариад орж ирэх, тэгээд батлуулах эдийн засагч тэр бүр олдохуу даа аан.  Үүнийг баталсан их хурлын гишүүдээ ч гэсэн оны шилдэг эдийн засагт тустай улсууд гэх хэрэгтэй санагдаад байгаа юм. Тэхдээ 2010  он гэдгийг нарийн зааж өгөхгүй бол 2011 онд юу ч болж мэдэх билээ.

Монголын сэтгүүлчдын нэгдсэн эвлэлээс Оны шилдэг тэлвийзээр манай тв9 тэлвийз тодорчээ. Захирал нь манай тэлвийз захиалгат сэтгүүл зүйн эсрэг ганцаараа байж чадсанаараа энэ шагналыг авлаа гэж байна. Манай тэр олон сэтгүүлч нэгдээд тодруулхад яаж буруу тодруулаа аж. Эрхлэгчийнх нь хэлдэг ч үнэн. Бусад сонин хэвлэл тэлвийз аягүү олон хүний мөнгийг нь аваад захиалгат нэвтрүүлгүүд хийдэг байх. Харин манай тв9 бол ганцхан хүний захиалгаар хийдэг юм шиг гуравдахь гэж ирээл ярьдагыг бүгд мэдэх байх. Эндээс хархад захиалгат сэтгүүл зүйн эсрэг  хамгийн цөөхөн захиалагчтай байсанаараа тодрохгүй яахав дээ.  Цөөхөн ч гэждээ ганцхан. Бүүр уриа нь “таны төлөө” гэсэн шууд тэр хүнийхээ төлөө гэж ойлгогдохоор байгаа ажгуу. Хүн бүр тэлвийз сонинтой болж чадахгүйм чинь үүнийг би зөв гэж боджоогоо.

“Монголын эмэгтэйчүүдийн акадеими”-аас хоёр жилд нэг удаа “Монголын шилдэг хатад”-ыг тодруулдаг гэнэ. Энэ удаад “Авьяас билэгт хатан”-аар Монголын шилдэг зөн билэгтэн Т.Заманд шалгарч гэнэ.  Шалгаралгүй яахав дээ. Зөн билгийн уралдаанд түрүүлээд, дараа нь шүүгчээр нь суугаад. Манай тэр зөн билгийн уралдаан их гоё. Гадных шүүгчдээр нь үл итгэгчид суудаг бол манайх зөн билэг байдаг гэдэгт бүрэн итгэгчид шүүгчээр нь суудаг. Тэгээд зүйл бүрээр оролцогчид маань ингэж таалаа тэгэж таалаа гээд явчихдаг. Зөн билэгчид нь мэдэхгүй таагаад байгаамуу даа. За за тэр хадуурах яахав. Хааны авгай болхоор хатан болдог байхад одоо үед хэн нэгэн чи хатан шүү гэж хэлээд хатан болгочихож болдог болж их амар юм. Тэгээд ч Заманд гэж хүний өмссөн зүүсэн бол хэн ч харсан хатан гэж бодхоор хувцастай юм билээ. Мань мэт шиг амьд хатан үзээгүй улс бол шууд хүлээн зөвшөөрхөөр. Тэгээд эмэгтэйчүүдийн академи гэдэг газар Замандыг зөн билэгтэй гэдгийг яг нотолсон байх. Өөрснөө ч үзүүлдэг байх тэгээл чи авьяастай шүү чи хатан шүү гээд өгөө биздээ. За зөн билэгтэн биш юмаа гэхэд далдыг хардагүй байж тэр олон хүнээс мөнгө салгаж өөрөө арван хуруундаа алтан бөгжтэй болтлоо дэвшсэн хүн аргагүй авьяастай байлгүй яахав. Тэр Сарандаваа билүү тэр лав мундаг өрсөлдөгч нь байсан байхаа. Яаагаав нөгөө тооны машинаар мэргэлээд байдаг.