Хөөе Сайна уу?

Ойрд захиа бичсэнгүй ёстой уучлаарай. Та хэдээр юу байнаа ингэхэд? Би яахав дээ байж л байна. Найз нь их сонинтой. Ажил амьдрал урагшлаад их урамтай байнаа гэвэл яахав? Гэхдээ бас зовлон ихээ. Заримаас нь хуваалцъя гэж бодоод найз нь чамд энийг бичиж сууна.

Ингэхэд, царай зүс муутай төрнө гэдэг нэг тиймэрхүү л байдаг юм байна. Яаxав дээ... Нөгөө мушик тоглоод сууж байхад гарт муу мод ирэх болгонд шатаж лайтаад байдаг шиг би жоохон царай муутай болохоор гадагш юманд гарах болгондоо амьтадад тоогдохгүй азаартаад унаж байгаа юм чинь. Юун тэр найз залуу малуу байхав? Ёстой горьдсоны гарз зүгээр. Царай зүсээрээ хүмүүст гадуурхагдаад наана чинь хоногын хоолоо ч олж идэж чадахгүй турж үхэхээ шахлаа ш дээ нэг хэсэг.

Чи юу ярьж байгаа юм? Би бүр баахан газраар ажил хайж гүйгээд. Зар уншаад л очдог. Анкет бөглөхөд хүртэл өмнөөс нас хүйс, өндөр нам, царай зүс, хэлбэр гялбар зааж алаад байна цаана чинь. Xот тохижуулалтынхан л зайлуул арай нэг гайгүй дээ. Ашгүй надад нэг орон тоо гаргаж УБ-ын өмнөх гудамжыг шүүрдэх ажил өгсөн. Өөр ажил олдохгүй байгаа юм чинь би одоо яах юм? Тийм биз дээ?  Хийж л таараа ш дээ. Ямар өлбөрч үхэлтэй биш.

Өө, би оролдсон уу гэвэл оролдсоон... за. Дэлгүүрт худалдагч больё гээд нэг өдөр очлоо. Эзэн нь шууд хэлж байна лээ. Чи нэг л болохгүй байнаа хүүхээ...  Чам шиг муухай царайтай xүүхнүүдээс ерөөсөө хүн юм авдаггүй юмаа аягүй хэцүү гээд л надад зовлонгоо баахан тоочлоо. Өмнөөс нь баахан өрөвдөөд бөглөсөн анкетаа хүртэл харж байхад нь би ураад хаячихсан. Яршиг зүгээр... хүнийг тэгэж зовоож яах гэсэн юм, тийм биз дээ?

Дараа нь үйлчилэгч болъё гэж бодсон юм. Тэгээд нэг ресторанд яваад очлоо. Ээлжийн ахлагч ухаантай нэг авгай байна. Бүр надаас муухай царайтай гээд л бодчих. Гэхдээ эгч өөрөө арын өрөөнд суудаг болохоор хүмүүсийн нүдэнд өртөдгүй юм байна л даа. Бас л хэлж байна. Наад царай чинь ёстой авах юм алгаа л гэнэ. Олны нүдэнд биш тэр ард талд очоод хийвэл аяга тавга угаадаг ажил бол байна гэнэ. Ёстой яршиг л байна ш дээ. Хэн тэр халуун гал зууханд хөлөрч тамаа цайж байдаг юм. Яршиг зүгээр гадаа эрүүл агаарт гудамж шүүрдэж байсан нь хамаагүй дээр гэж бодоод салаавч өгөөд хаалгыг нь саваад гараад ирсэн. Ёстой аймаар болцон байгаа биз тээ?

Элтээд найз нь УБ-ын өмнө гудамжаа шүүрдээд аягүй серъёзны амьтан явж байсан чинь тэнд байнга зогсож байдаг Улаанаа эгч дуудаж байнаа. Яваад очлоо. Чи одоо навсайчаад  л ингэж гудамж шүүрдэж байснаас орой надтай хамт ажил хий гэдэг байнш дээ нөгөөдөх чинь харин... Ямар ажил юм бэ? гэсэн чинь янжуур татдаг ажил гэнээ. Ашдаахан шиг хувцаслаад энд орой 9 цагт хүрээд ир, нүүрээ будаад үсээ сэнсдэхээ мартаваа гээд л баахан тушаал буулгадаг юм байна нөгөөдөх чинь. Яаж мэдэх юм.... Гайгүй мөнгөтэй ажил ч юм билүү гэж бодоод гангарааны ганц торгон дээлээ өмсөөд очсон гээд л бодчих. Бас дээр нь янжуур татдаг ажил гэхээр нь гал хармаалж очихгүй бол болохгүй гэж бодоод баахан чүдэнз бөөндөөд цүнхэндээ хийчихсэн байсан.

Тэгээд орой очсон чинь Улаанаа эгч Парламент асааж байнаа. Галтай юм чинь гэж бодоод чүдэнзээ байн байн зураад л галаар дайлаад байлаа. Хэд хэдэн таксинууд ирсэнээ асууж байна. Яриатай юу гээд л... Мэдээж яриатай л байж таараа ш дээ... Ямар хэл ам татцан амьтад байгаа биш. Яах юм Улаанаа эгч бид хоёртой янжуур татмаар байна уу? гээд л аваад хаяцан. Ёстой ингээд гудамжинд янжуур татаад мөнгө хийгээд байдаг бол болж л байна ш дээ гээд л дотроо бодож байлаа.

Тэгсэн чинь хэдэн цагын дараа Улаанаа эгч надад хэлсэн л дээ. Чи бас л болохгүй байна ч гэх шиг. Шууд л хэлчих хэрэгтэй ш дээ... тиймээ? Худлаа булзааруулаад л... Чамайг харанхуйд хүмүүс сайн харахгүй байх шиг байна гэснээ - чи одоо гэртээ харь гээд шууд хөөдөг байна ш дээ. Ёстой яршиг л байна. Гандан буурахгүй… гээд микронд суугаад харьцан зүгээр.

Би тэгж байгаад аягүй солиотой ш дээ...болоогүй. Элтээд манай байрны нэг аx согтуудаа лифтенд намайг үнсэх гэж дайраад. Нилээд согтуу байсан байгаа байхгүй юу...  Манай нэг сайн найз дээр надад захиж байсан юм. Чамайг бол 12 лааз пиво уусны дараа л арай чүү гэж нэг юм тоож ярьмаар болж байна гээд. Тэгэхээр тэр аx бодвол 24 лааз пиво дор хаяж цохисон байж таараа.

Маргааш нь авгайтайгаа хүүхдээ хөтлөөд гадаа зогсож байхад нь би яваад очсон гээд л бодчих... Ёстой инээдтэй. Аxаа нөгөө юм чинь бат биз дээ гээд л аваад хаясан. Юу билээ л гэж байна. Яагаав дээ... та бид хоёр өчигдөр лифтенд ярьсан ш дээ. Өө..?  та мартчихсан юмуу гэсэн чинь.  Тэр юм батаа бат маргааш энэ хаягаар яваад очоорой гэсэн бол яахав?

Амьдрал ёстой сайхан байнаа... найзаа. Цонхоор утаа манарсан Улаанбаатарыгаа хараад сэтгэл догдолоод байж сууж чадахгүй үзэг цаас холбосон шиг та хэддээ захидал бичиж сэтгэл санаагаа ойнгойлгож байгаа царай маань энэ байхгүй юу. Нөгөө нэг байрны ах байна ш дээ тээ. Тэр ах ёстой аягүй хоншоортой!  Намайг шууд нарын бичгээрээ авцан гэвэл яахав?  Миний ажил аягүй гоёоо. Манай байрны ах хамгын том дарга нь юм чинь хэн ч надад юу ч хэлж чадахгүй. Би ёстой өдөржингөө чатлаад л үдээс хойш нь янжуураа татаад л сууж байна. За за тэгээд хариу бичээрэй. Яг шүү!  Зураг мураг явуулаарай за. Хүлээж байгаа шүү.

Түр Бака,

Янжуур Бурмаа