Арав гаруй жилийн өмнө байхаа “Халтар царайт” гэж айхтар хайр сэтгэлийн сэдэвтэй романтик үй түмэн ангит бидний одоо хэлээд байдаг савангийн дуурь гэгч нь орон даяар цацагдаж дөнгөж мэдээ орж байгаа балчраас мэгзэм уншин суух буурал хөгшдийг хүртэл хуу хамруулан, цэнхэр дэлгэцийн өмнө номхон суулгадаг байж билээ. Яагаав нөгөө гол дүр болох халтар царайтайн дээр киноныхоо бүх эрчүүдтэй үнсэлцэж озолцоод явдгаас хэтрэхгүй эргэчихсэн толгойтой хөөрхөн бүсгүйн тухай өгүүлэмжтэй. Өнөөх нь эхлэхээр айл өрх бүр хүмсийг нь гэрт нь оруулаад түгжчихэв үү гэлтэй таг чиг болдог. Тиймээ чадалтай л кино байж дээ. Олон ангит киноны хамгийн хэцүү зүйл нь дараах анги хүртэлх хооронд киноныхоо сайн талын баатрын төлөө зовж шаналах цаашид яах бол гэж яс хавталзаж болдогсон бол өөрөө үйл явцад нь оролцоод ЯАГ тэр мөчид НЭГ нь дээшээ харж НӨГӨӨ нь доошоо харан мөрөө шүргэлцэн зөрчихсөн эсвэл НЭГ хүний ХОЁР талаар зөрчихснийг нь “Та хоёр минь ингээд зөрчихсөн шүү дээ” гэж учир явдлыг нь тайлбарлаж хэлээд уулзуулчих юмсан ГЭЖ шаналах л тамын тогоо, өөр юу эсийг ч бодож үл чадна.

Тэгээд цаашаа Мөрдөн байцаагч Деррик, жаахан цаашлаад Хуан Жү Гэг гээд үргэлжилсээр жинхэнэ утгаараа савангийн дуурь уруу уусан жирийн орсон доо.  Хэдхэн жилийн өмнө юм даа дүү бид хоёр гэрийн даалгавар гэр цэвэрлэх ажлаа ор тас мартаад нэг төрөл солонгосын олон ангит кинонд уусч нэвтрээд, уйлаад уурлаад хөгийн ч юм болж байсан сан, сургууль дээрээ очихоор ангийнхан маань бүгд  манайхан бас тэгцгээсэн шүү дээ гэж ам уралдан орилолдож хичээлийн дундуур ч нөгөө гоё кино чинь байсаар л. Харин тэр олон ангит хоёр ТВ суваг дээр зэрэг гараад өдөрт нэг нэг анги гаргадаг байснаа уралдаад өдөрт хоёр хоёр болоод сүүлдээ гурав гурав болоод бүүр сүүлдээ нэг суваг нь өдөржингөө гаргаж гэрийн их ажил хичээл номноос минь чөлөөлөхийн зэрэгцээ дээр өгүүлсэн ҮЙЛ ЯВДАЛД нь орчих юмсан гэсэн зовлонг амсуулалгүй үзүүлж дуусгасан юм. Наян чавганц уралдвал нэг нь түрүүлдэг гэдэг нэг ТВ суваг нь түрүүлж биднийгээ баясгаж бид өнөөх сувгаа үзэгчдээ жинхэнэ ойлгодог сайн суваг гэж магтана. Сүүлдсэн ТВ сувгийхыгаа мөн дахиад л үзэж анализ хийнэ хэхэ. Яг үнэндээ бол энэ хүү савангийн дууриудаа үзсээр байгаад өөр нэг эхлэхэд эхний ангийг нь үзээд л яаж дуусахыг нь тааж мэддэг чадвартай болчихсон. Тэгсэн ч үзнэ, үзээд л байна.

Сүүлийн хоёр гурван жилээс Монголчууд бид өөрсдөө хийж эхэллээ, яахавдээ Монголын минь кино урлаг маань хөгжөөд л байгаа юм шиг байгаан сайшааштай. Дахиад л бөөн адал явдал хайр сэтгэл яг бидний амьдрал бүүр яаг үнэн байдал гээд л үзээд байгаа сайхан даа сайхан кинондоо уусаад орох бүүр сайхан өдөр болгон үйл явдлыг нь бодоод л баймаар болно. Энэ жил юмуу даа “Хэцүү анги” гэж олон ангит гарч замын хөдөлгөөнд ихээхэн шиг тус хүргээдэхэжээ, Дархан Эрдэнэт гэх мэт хотуудаар нь киноны үеэр бүүр нэгээхэн ч унаа тэрэг харагдахгүй, хүн мал нь хүртэл алга болсон гэх бүр инээдтэй нь үүднийхээ пинг шатаж байхыг анзааралгүй үзэж байгаа юм чинь яах юм. Сайхаан сайхан, олон ангит сайхан шүү.

Ингэж олон ангитдаа ууссан миний бие эрдэм өвөрлөхөөр хоёр жилийн өмнөөс харь орныг зорисон юм Япон улс. Олон ангитууд минь гардаг л байгаадаа гэсэн бяцхан хүслээ тээсээр ирснийг нуух юун бас хэл усаа сурахад ч нэмэр юм гэж хэт донтолтыхоо үзэмжит мөн чанарын хүчийг сулруулж сэтгэлээ хуурахтайгаа. Ирээд л зурагтаа сахиж байтал нэг өдөр Жангум гардаг юм байна бөөн аз энэ савангийн дуурийг чинь энд хүртэл үздэг байх нь гэж хичнээн их баярласныг хэлэхүү, Жангумыг ч үзчихсэн л дээ гэхдээ гоё олон ангит шүү  дахиад үзнээ үзнэ хэлээ сурахад ч нэмэр гэж баярлаж байлаа шүү дээ. Маргааш нь нөгөө цагтаа нөгөө сувгаа тааруулах автомат үйлдэл хийгдэнэ байдаггүй шүү, аан өнжөөд гардаг байх нь гээд дахиад маргааш нь үзлээ бас байдаггүй гэтэл харинээ нөгөө түмэн ангитыг чинь долоо хоногт нэг анги гаргадаг гэнэ, хэзээ үзэж дууснаа шууд л үзэх хүсэл минь унтарч номоо унших ажилдаа яах аргагүй орсон дог. Олон ангит сайхан л даа уул нь. Өчигдөр Үндэсний Телевиз дээр нэг эхлээдэхсэн бололтой замын түгжрэл хэсэг сийрч цагдаа нар минь түр амрангаа түүнийг бас үзэх нь дээ.

Больё л доо, энэ савангийн дууриудаа цаг нартай үзье ээ Монголчууд минь хайран чиг ихийг сэтгэж бүтээх оюун ухаан, хайран чиг мэлмий тунгалаг саруул ухаан, хэрэгтэй зүйлээ л тунгааж биеэ зовооё оо.
Б.Батсайхан