Тв9 зурагтны сайт дээр алы гэсэн янзын сайхан шүүмж гарсан байхыг хараад миний бас хамаг дур хүсэл оргилонгуутаа бас нэг шүүмж шахчлаа. Хаяг нь энэ байна. http://tv9.mn/index.php?pid=56&sec=view&id=3363
За шүүмж ёвлооооо.....

Хашаа гэж юм байхгүй байсан сан бол ХАШАА хэмээх энэ сайхан, таван үсэгтэй үгний хувьд амьдрал утгагүй ч юм шиг санагдна. Хашаа гэж юу юм бээ? Хашаа!! Энэ үгийг сонссон танд хашааны завсраар шагайн харж байсан эсвэл давах гэж байгаад өмдөө гогодож байсан зүйл санаанд тань бууж байгаа байхаа. Энэ тухай дэлгэрэнгүй нэгэн өгүүллийг Монгол улсын гуруунзуу дахь блогч Гамп бичжээ.

Хэрвээ танд интрес байгаа бол одоо түүний энэхүү нийтлэлээс нь сонирхуулья. Энэ өгүүллээрээ тэрээр хашаанд байдаг буртагтай муусайн шар гөлөг энтэрээс эхлээд хашааны буянлаг ч юм шиг бусармаг ч юм шиг эздийн тухай олон талаас харж тайлбарлажээ. Энэ муу сэдвийг бүр тал талаас нь эдэлсэн байгаам даа.

За Монгол улсын гуруунзуу дахь блогч Гамп маань хашааг үнсэн блок, мод. төмрөөр ч барьж болдгийг онцлонгуутаа, хашаа гэхээр юуны түрүүнд та бидний санаанд төрийн маань ордны хашаа орно гэж өгүүлжээ. Ийнхүү Монгол улсын гуруунзуу дахь блогч Гамп маань хамгийн эхлээд төрийн ордны хашааны тухай сэтгэл хөдөлгөм яруугаар бичихдээ, төрийн ордны хашаа бол төрийг захын авгайгийн дурнаас төдийгүй бүр помьдоорноос ч хамгаалж байгаа юм гэсэн байна. Тэр битгий хэл тэр хашаа нь төрийнхнөөс биднийг бас хамгаалсан унвирсаал эд шүү гэж Монгол улсын гуруунзуу дахь блогч Гамп оновчтой гаргалгаа хийснийг нь та энэ өгүүллээс нь уншиж болох юмаа. Бишээ, та өгүүллээс унших ёстой юмаа.

Бидний санаа ухаанд тодхон байдаг бас нэгэн хашаа бол Нарантуул захын хашаа юм. Монгол улсын гуруунзуу дахь блогч Гамп тэр хашаан дотор хүн хоол 2 хэрхэн контакт авч байгааг гайхалтай уран сайхнаар өгүүлсэн байх юм. Харин тэрээр нарантуул захын хашааг Зайсан толгойгоос харвал яаж харагдах тухай эргэцүүлсэнээ шивэхээ мартсан шиг байна лээ. Тухайлбал тэрээр, Нарантуулын хашаа Улаанбаатар хотын маань зүүн хэсэгт тогтсон түлэнхийн сорви шиг харагддаг болуу эсвэл эсвэл түүний тархины нугачаа атираа шиг яруухан агаад гүехэн харагддаг болуу гэж дотроо дүрсэлсэн юм. Түүнчлэн энэ хашааны эзний хэлсэн нэгэн үг бий. Тэр үгэнд туйпууны тухай ярьдаг билүү дээ, сайн санахгүй байгаа тул ингээд орхиё доо.

За хүний амьдралын чухал нэгэн тал бол гэрийн хашаа билээ. Монгол улсын гуруунзуу дахь блогч Гамп маань, гэрийн хашаа бол гэрийн дотор байснаас гадаа нь байвал илүү аятайхан гэдгийг, мөн гэрийн хашаа бол гэрээ тойроод байрладаг эд юмаа гэдгийг тод томруун гаргаж чаджээ. Үнэхээр энэхүү өгүүллийг уншсан ард түмэн маань гэрийн хашаа гээд хажуудаа бүх банзаараа ганц урт хашаа хатгачихвал ямар байх вэ гэдгийг өөрийн эрхгүй эргэцүүлэн бодоход хүрэх ажээ. Бишээ Монгол улсын гуруунзуу дахь блогч Гамп маань та биднийг ингэж эргэцүүлхэд хүргэх ажээ. Ер нь Монгол улсын гуруунзуу дахь блогч Гамп маань уншигч та бидний олон юмыг хүргэхээр сайхан өгүүлэл тэрлэж чаджээ.

Уг өгүүллийг бичсэн Монгол улсын гуруунзуу дахь блогч Гамп маань өөрийн өгүүлэлдээ хашааны тухай өгүүлэхдээ зөвхөн хашааны тухай өгүүлхийг хүссэхгүй харин өөр юмны тухай өгүүлэхийг хүссэн нь тэр өгүүлэлд нь даанч байсангүй нь жоохон харамсмаар өгүүлэл болгожээ.

Xүмүүс өөрийн хашаагаа сайн бөглөж барихгүй бол дандаа доогуур нь орж гардаг Шар нохой мэтийн амьтсын зугаа болоод дуусна шүү гэcэн санааг бас ард түмэн маань өөрийн авьяасаараа энэ өгүүллээс олж харж болох нь байна.
Энэ өгүүлэл гэдэг маань Монгол улсын гуруунзуу дахь блогч Гампын бичсэн, одоо яриад байгаа энэ өгүүлэл юм гэдгийг та надаар хэлүүлэхгүйгээр ойлгохгүй байхаа гэж бодоод ийнхүү хэлж байнаа.
Ицсийцст хүнд өөрийн гэсэн сонин, сэтгүүл, зурагт байдаг бол сайхан зургаа тавиад (энэ нь зургаа тавих үг биш харин фото зургийг сонин энэ тэрд нийтлэх гэсэн үг юм шүү), бичсэн нийтлэлийнхээ талаар санал шүүмж өрнүүлж будаа болгож болох, бүр цаашлаад "Хашаа" хэмээх мийсийн тэмцээн зохиож ч чадах байснаа Монгол улсын гуруунзуу дахь блогч Гамп маань өгүүллийнхээ төгсгөлд онцолжээ.

Монгол улсын гуруунзуу дахь блогч Гампын захиалгаар таалалд нь нийцэх шүүмж бичиж шахсан Артаньян.