Хоосон хүн чинь синдроомны тухай бичхээр л нэг бардам байдын.

Хавар болхоор би нэг л өөр тийм нэг нисмээр, хөөрмөөр, архи уумаар, хүнтэй хэрэлдмээр, авгай авмаар, тачигнатал инээмээр, айл хэсмээр болдын. Одоо бүүр сурцан хавартаа өөрчлөгдөхгүй болхоор бие нэг л сонин эрүүл бус байна хэмээн өөртөө онош тавиад эмнэлэг, үзмэрч бариачаар гүйж тэнэгтэж байшд. Эмч, домч дээр очцон судсаа бариулцан наадхаа нэг сайн чагна дээ нэг л хэвийн цохилоод байна даа, ядаж минутанд минут гаруй цохилох ёстой доо өдийд гэж мэгцэн аан.  Таануус ч гэсэн бие нэг чагнаад үзээрэй аан өөр л болсон байх вий. Яагаад би ингэж өөртөө итгэлтэй хэлээд байна гэхээр зурагт сайн үз аан. Бүх юм цаана чинь орвонгоороо эргэж байгаа.   

Эхлээд маарт, цэргийн баяр гээд баахан хүмүүс халамцуу яваад ирхээр сэтгэл хөөрөөд дагаад дарвайтал ганцаараа ч хамаагүй уугаад унадын. Гүү надтай ямар л тархи нь эргэсэн амьтан уув гэж дээ. Өө тэгээл нэгэнт уугаад эхэлсэн амьтан чинь хаа л баяр болж байнав тэр бүр дээр давхиж уучих гээд хайгаад явчина шүү дээ. Өө хамаагүй урд гудамны Балдан гуайн охин төрж гэнэ, хөдөө байхад хальт танилцсан нөхрийн төрсөн өдөр чинь өнөөдөр билүү, Слим гэж нөхөр дэлхийн тэргүүн баян болсоны төлөө гээд баярлахад шалтаг мундахгүй нь сайхан даа. Баярын синдром бол бахтай сайхан синдром доо.

Хавар болж охид хүүхнүүд нүцгэрч хамаг бие жирвэгнүүлээд байдаг зуснууддаа. Энэ үед бас хүн болсоных үр удмаа үлдээх гэдиймүү яадын чааваас хүүхэн эргүүлэх хүсэл маань хэд дахин нэмэгддэг ч үр дүн гэж дүн өвлийн гэрээс гархаас айдаг үетэй маань адил байхым даа. Аминдаа Чамаар юу байна, бие биеэ даагаад ганц пиав уухуу гэж хэлээд алгадуулхаас хэтрэхгүйм даа. Хүн бүр синдромтож байхад тэднүүс зүгээр байна гэж юу байхав дээ худлаа ангалзаж тэнэгтэж байхааар жоохон нааштай байж болох хорвоо доо.

Өө тэгээл хүүхнүүд бүтэлгүй болж архи ууж хамаг мөнгөө үрсэн амьтан чинь одоо ууралдын байгааддээ. Уур бол их чухал шүү хавар. Ууралсан хүн уураа нохойд барьдаг мод болсон төрдөө гаргахаас яахуу дээ. Харин хаа очиж Батзандан, Магнай гэж хийморлог залуус гарч ирэн жагсаж цуглахад сайхан болсон цаг ирждээ. Тэрнээс өмнө нь яадаг байваа. Төв талбай дээрээ оччоол ганцаараа “ерөнхийлөгчөө  надаа автуусны мөнгө өгөөч шаардаж байна, ерөнхий сайд чи хил махны мөнгө өгчих тэхүү ШААРДАЖ байна, УИХ-ын гишүүдээ гайгүй охинтой танилцуулаад өгчих л дөө ШААРДАЖ байна” гэж мэгцээн ганцаараа зогсож ониг болдог байлаашд. Байнга л хүнээс юм гуйж явдаг хүн чинь шаардаж хүртэл чадкуу төвөгтэй шүү. Уг нь жагсаал гэдэг чинь дандаа шаардах ёстой байдгаараа гоё шүү дээ. Тэгээд ганцаараа зогсож байхад тэрмуу ордны хамгаалагч болтой цэргүүд өрөөсөн гартаа нэг удаагын бээлий өмсөж ирээд шилэн хүзүүн дээрээс атгаад түлхээд замын нөгөө талд гаргаж тэнэгтэдийн. Гараараа надаа хүрхээр гар нь бохир болхын гэнэээ. Одоо цоглог ах нартай болхоор хавартаа нэг дотор онгойтол жагсдаг болсон доо.

Ингэж хүүхэн эргүүлж, баяр тэмдэглэж, улс орныхоо төлөө жагссан хүн чинь ядраад ядрагааны туйл болоод эмнэлэг домнолгоо бараадхаас биш яахав дээ. Тэхдээ энэ шинжлэх ухааны эмнэлэг нэг л худлаа шүү гэсэн “Сэрэлт” киноны лам шиг сэжиг төрөөд байгаан. За бүрэн итгэл үнэмшилтэй байсан ч хавар тэртээ тэргүй дүүрэн ор хоногын мөнгөтэй хүмүүс хэвтэж байдын.

Тэхээр орчин үеийн “монгол шинжлэх ухаан” болсон ан агнаад түүхийгээр нь, бүхлээр нь, болуул амьдаар нь гэсэн уриатай эмчилгээ хийлгэхийг илүүд үздэг болсон.  Тэр зээр, гөрөөс, чоно, хулан тахь, буга согоо бол хурдан буутай, буундаа сумтай, том жийптэй, жийпэндээ бензинтэй, тэрүүндээ жолоочтой хүмүүсийн хийдэг ан агнуур, бишээ эм тан байлээ. Энэ бүхнийг албан тушаал, мөнгөөр олж авдаг гэсэн логик байгаа болхоор би шууд энэ хэсгээс хасагдадгын. Дээрх хөөрхий амьтад бол бас дээгүүр заятай хүний ам цусдаж байгаа нэг бодлын хувь тавилантай амьтад. Мань мэт яахуу вокзаал хавиар эргэлдэж байгаад ганц нэг тарвагны гэдэс дотор бүхлээр нь олж залгих, яармаг өнгөртөл алхаж байгаад яргуй түүж идхээс хэтрэхгүй гэцүү хорвоо шүү дээ. Ингэхгүй бол хамаг бие муудаад үхнэ шүү дээ. Тарвага яргүйгаа байг гэхээд цох хорхой эднүүс архинд дэвтээх, таван салаа навч идэх гээд  мөн ч олон сайхан арга байна даа. Эрүүл байвал тарвага зурам ч яамай байнаа.

Зиа үүгээр синдромтой Гаампын синдроомууд дууслаа. Нөхдөө таануус яаж синдромтож байнаа? Өө тийн дандаа эрүүл улс байгаа байх л даа.